Тексты
Вернуться к просмотру | Вернуться к списку
Hirvakko myrsky
История изменений
22 сентября 2021 в 15:35 Нина Шибанова
- создал(а) текст
- создал(а) текст: Ihalal huondeksel tobjat kastepizarehet čilketetäh ahol hobjal tuorehet, vedrehet. Joga čibarehes kastien muheloittau päivöi, sugahinnu muadu vaste čirahtannuh taivoil. Hil’l’aine on vahnu n’okoh, ynnäh kazvoitunnuh. N’ugeloittajan sen n’okas ‒ puustu vezoitunnuh. Viirukkujoves vuolazes kivi kiveh tuikkau. Turbies mečikös huabazes siivet reuzai tuukkai. Liideli yöpedolindu tagameččäh hienoh, kaikkii vazitellen, viiduh kadaitubahikkoh? Ilmu viilenemäh rubei, gu hyödyhyvytty, taivasrandu meni umbeh, ga ei ni huamattu. Mečän randies huabu hykkäy, keskelekavonnuh, kyynälpaju vedois hygläy, syvästi vajonnuh. Sie huobavuksenkarvazen Tuuhoittai mečän piäl tuulattau mägiharjazii ruttoh muuttunuh siä. Tuuli juosta kohaškoitti jyryn da vihman iel, niitäteksen kouhaškoitti ‒ piehtaroičeh kylläl. Taivas buuristeleh ielleh, pergau muadu vihmu. Räškyttäy jo tuldu silleh, milleh tuuli viimuau. Suo šorahtih, jyrähtih mua, kajahtih i kangas. Kondii sruastis kunna vai suas šn’augi hengi kobras. Igästy keräillyöh tuuhieh ällistyttäjäl väil langei tulitauttu kuuzeh kanabrovunnuol mäil. Halgei silmänräpähykseh čilmuzikse räijyl, paloi roijos puhtahakse tulel hävittäjäl. Alevui hirvakko myrsky, huamehtiu jo päivöi. Nygöi eulo midä hykkiä, helakko on taivoi. Gu riesku maido, siä tyyni, päiväine hyväilöy. Uvvessah viivittäy hyybii sualistu tyvilöil. Elaigu hakaten hakkuau kuuzettah iellehpäi, a vuahtekas jogi hikkau piästä välläle vai. Ei suuh sulavah kai synny, midä silmy nägöy. Vaiku ahon tuoksu ynnä unohtu ei vägöy.