Тексты
Вернуться к просмотру | Вернуться к списку
Naizen soba ‒ paikku
История изменений
23 сентября 2021 в 09:11 Нина Шибанова
- создал(а) текст
- создал(а) текст: Paikku ‒ Karjalan naizel Soba arvokas, pättävy. Niidy on joga toizel, Niis on ainos hädävys. Lähtetgo niityl, Kus päiväzen čiritys, Vai lehmiä lypsämäh – Lehmän hännän viykehys. Astutgo meččäh, Kus pin’oidu muailmu, Šeimit go murginua, Taiginua sotket, Piiruadu pastat, Voidu kalaitat Mittuine paikkaine Puaksuh on piäs? Valgei da puhtas Piähytty kattau. Siiksupaikkaine – Se emändäl paras, A gu pruazniekku tulemas! Paikkaine čomaine eči sundugas, Varusta paikat, šalit, šarfat, Kezäl hoikkazet, šulkuzet, Talvel villazet, puuhu-lämmäzet, Kevät-kezäkižat, Gu peldozet kukkijat, Naizil paikkazet Kaikenjyttymät: Valgiet, ruskiet, sinizet, keldazet, Vihandat, kirjavat, Paikkazis kruugazet, hernehet, viivazet. Surupaikku – surusoba. Pandih piäl konzu suuri beda. Mustu paikku naizel piäs – Kargei kyynäl silmäspäi. Suovattupäivy, ribizet kylyspäi – Pehmei da armas kreemupaikkaine piäs! Pyhänpiän kalmoile, kirikköh astut – Paikkazel kata oma piähyt. Lapsil vie bobastu azuttih paikas. Jänöi se elbyi hos oli vaikas. Ei pie ni sidä unohtua, mieles kaimata, Vie uzlastu azuttih, mille evästy kannettih. A konzu jurizi, tuldu räskytti, Zirkalo katettih. Mille smietittö? Paikkazel! Paikkoi sivottih piäh kaikkeh stat’t’ah. Agjazet edehpäi, agjazet tuaksepäi, Čepčalleh sivottih, Agjazet edehpäi, agjazet tuaksepäi, Čuppuine rippumah, čuppuine kiäritty, Vai čuppustu piendy älä pane piälepäi, Sidä nastu töhlökse sanotah. Agu sivus tabai, älä huaka, Paikkazel lämmäzel sivuine kata, Sivo, kiinitä, päčil viere, Kodvazen peräs allat parata. P.S. Anuksen elämmö paikas. Paikoilleh mendähes yöt. Panemmo piäh čomat paikat – Parahat roimmokseh myö!