Тексты
Вернуться к просмотру
| Вернуться к списку
Avain ikkunan…
История изменений
23 сентября 2021 в 09:53
Нина Шибанова
- создал(а) текст
- создал(а) текст: Avain ikkunan
Minä kahtalleh.
Kačon pellole,
Istun hil’l’ažeh.
Päivypastoine,
Peldo kylvetty,
Ruis jo kiebrästäy,
Se ku kullittu.
Tuatto minule
Čirpi varustau,
Ruistu leikkuamah
Terväh pyrrittäy.
Ruistu leikkailin
Rinnal muamanke,
Sidä kyhlästin
Yhtes tuatanke.
Ei ni ehtinyh
Riihty ahkata,
Tuatto-rukkaine ‒
Pidi matkata.
Voinu armotoi
Kobril raudažil
Kablai leibäžet
Meijän peldožil.