Тексты
Вернуться к просмотру
| Вернуться к списку
Mutti
История изменений
23 сентября 2021 в 10:37
Нина Шибанова
- создал(а) текст
- создал(а) текст: Eule koirua omembua
Meijän Muttii čomembua:
Kaksi silmiä nägemäs,
Tarkat korvat kuulemas,
Nelli jalgua juoksemas.
Eule aigua maguamah ‒
Pandih kodii vardoimah!
Mi vai kois kolahtah,
Mutti seizuo kapsahtah.
Omih hyvin kaččelou,
Toizii kodvan n’uustelou.
Varoit aijal istutah,
Meijän Muttii nagretah.
Tämä koirua suututtau,
Äijäl händy haukuttau.
Varoit lendoh lähtietäh,
Mutti heidy tabuamah!
Ei voi sidä ellendiä ‒
Juosten et sua lendäjiä.