Тексты
Вернуться к просмотру
| Вернуться к списку
Himo školah
История изменений
23 сентября 2021 в 10:51
Нина Шибанова
- создал(а) текст
- создал(а) текст: Muamo sanou: “Terväh rubieu
Lehti puuspäi pakkumah”.
Tyttö händy helmas vedäy:
“Läkkä laukkah teriämbäh”.
Uskaldithäi iče millo
Ostua kniigua, portfelin.
Školah tahton, tädä iluo
Kogo kezän vuottelin”.
Panou tyttö pluat’an piäle,
Ottau kädeh kukkazet.
Muamo ei ni jälles kestä ‒
Bringau juostes bantažet.
Školan kynnyksel vai kiändyy
Kerdažen vie sebiämäh,
Šupahuttau: “Rubien sillo
Viidozii vai kandamah.”
Muamal kynnäl silmih työndyy,
Vačan rubieu tuskuamah.
Lähtöy kullanmuruu kodih
Jälles školua vuottamah.