Тексты

Вернуться к просмотру | Вернуться к списку

Yksitoistakymmeneš piä (Yheštoista piä)

История изменений

30 ноября 2021 в 15:23 Нина Шибанова

• изменил(а) заголовок
  с MATVEISTA SVʼATOI JOVANGELI. Yksitoistakymmeneš piä (Yheštoista piä)
  на Yksitoistakymmeneš piä (Yheštoista piä)
• создал(а) комментарий источника: MATVEISTA SVʼATOI JOVANGELI

25 октября 2021 в 16:54 Нина Шибанова

• создал(а) текст
• создал(а) текст: ¹ I kuin loppi Iisus vakuštamizen kahellatoistakymmenellä omilla opaššettavilla, läksi šieldä hiän omih linnoih opaštamah da šanelomah. ² Iivana rauvoisa kuuluštahuo Šyndyruohtinan aziet, työndi kahta omista opaššettavista. ³ Šano hänellä: Šiego olet tulija, ali toista vuotamma? ⁴ I vaštah šano heilä Iisus: Mängiä, šanokkua Iivanalla, midä kuuletta i niättä: ⁵ Šogiet nähäh i rammat kävelläh, kibey ey dynyöt puhaštuačetah, i kuurnehet kuullah; kuolluot virrotah i niistiet hyvin paissah; ⁶ I ožakaš že on, ken milma vaš ei muanittuače. ⁷ Niijen lähtehyö, rubei Iisus rahvahalla Iivanan näh pagizomah: Midä tulija kaččomah šaloh? Vežuago tuulešta lekkujua? ⁸ I midä työ tulija kaččomah? Inehmistägo pehmeih vuatteih šuorinnutta? Ka, ket pehmeidä pietäh, kuningahien kodiloisa ollah. ⁹ A midä työ tulija kaččomah? Prorokkuago? Niin šanon teilä, i šuurembua prorokkua. ¹⁰ Tämä on že, kumbazen näh on kirjutettu: Ka mie työnnän miun Angelin ieldä päin šilma, kumbane šiun ieššä valmistau šiun tien. ¹¹ Aminʼ šanon teilä: Eule šyndynyttä naizista šuurembua rissittäjiä Iivanua; a pienembi taivaškuningahuošša šuurembi on händä. ¹² Rissittäjän Iivanan päivistä täh šua taivaškuningahuš on vägivalloisa, i vägivallallizet händä kissotah. ¹³ Kaiki prorokat i zakona Iivanah šua ieldä päin šanottih. ¹⁴ I kuin tahtonetta ottua, tämä on tulomašša Il’l’a. ¹⁵ Kellä ollah korvat kuulla, kuulgah. ¹⁶ Kenenjyttyökši panen tämän rodukunnan? Hiän on yhenjytyš lapšien kera, istujien pihoila i toine toizella mögizijen, ¹⁷ I pagizijien: Šoittima teilä, i että karran; itkimä teilä, i että ulvon. ¹⁸ Tuli Iivana, eigo šyöjä, eigo juoja; i paissah: Lembo häneššä. ¹⁹ Tuli inehmizen Poiga, kumbane šyöy i juou; i paissah: Ka inehmine šyömäri i juomari, mitarilojen i riähkähizien velli. I oijenduačih tiedävyš omista poijista. ²⁰ Šilloin rubei Iisus moittimah linnoja, kumbazissa hiän luadi äijä kummua, i ei kohenduačettu. ²¹ Paha šiula, Horazina, paha šiula, Vifsaida; kuin ois’ ollun Tiirašša i Sidonašša žen verda kummie mi teissä, ammuin jo pahoisa vuatteissa i tuhkašša šanottais’ omat riähät. ²² Šanon mie teilä: Hoivembi liey Tiiralla i Sidonalla toizella ilmalla, mi teilä. ²³ I šie, Kapernauma, kumbane taivahaže šua noužit, uaduh šua alenet; žentäh kuin ois’ ollun Sodomoisa žen verda kummua, mi teisä, täh šua hyö šäilyttäis’. ²⁴ Šanon mie teilä: Hoivembi liey Sodomoin mualla toizella ilmalla, mi šiula. ²⁵ Šinä aigana niin vielä Iisus šano: Tunnuštuačen mie šiula, Tuatto, taivahan i muan Herra, šie peitit tämän mielövistä i tiedäjistä, a ožutit lapšilla. ²⁶ Niin, Tuatto, šiun tahtondua myötʼ niin tuli. ²⁷ Kaiki on annettu miula miun Tuatošta; eigo ken tiijä Poigua, vain Tuatto; eigo Tuattuo ken tiijä, vain Poiga, i kellä tahtonou ožuttua Poiga. ²⁸ Tulgua miun luo kaikin vaivuačijat i jygienkandajat, i mie tiät lebäytän. ²⁹ Ottakkua miun valda iččien piällä i opaštukkua miušta; mie tyyni olen i pehmiešiämine, i löyvättä lebävön tiän hengiloilä. ³⁰ Valda miun on hyvä, i takka miun kebie.