Тексты

Вернуться к просмотру | Вернуться к списку

Kolmattakymmendä enžimäne piä (Kaheškymmenešenžimäne piä)

История изменений

30 ноября 2021 в 14:58 Нина Шибанова

• изменил(а) заголовок
  с MATVEISTA SVʼATOI JOVANGELI. Kolmattakymmendä enžimäne piä (Kaheškymmenešenžimäne piä)
  на Kolmattakymmendä enžimäne piä (Kaheškymmenešenžimäne piä)
• создал(а) комментарий источника: MATVEISTA SVʼATOI JOVANGELI

15 ноября 2021 в 11:59 Нина Шибанова

• изменил(а) заголовок
  с Kolmattakymmendä enžimäne piä (Kaheškymmenešenžimäne piä)
  на MATVEISTA SVʼATOI JOVANGELI. Kolmattakymmendä enžimäne piä (Kaheškymmenešenžimäne piä)

12 ноября 2021 в 15:29 Нина Шибанова

• создал(а) текст
• создал(а) текст: ¹ I kuin tuldih Ijerusaliman läššä, i mändih Vifsfagijah Eleona-goran luo, šilloin työndi Iisus kahta opaššettavua, ² I šano heilä: Mängiä kyläh, kumbane on tiän kohašša; i šielä löyvättä šivotun oslan i šälgy hänen kera; kerittähyö, tuogua miun luo. ³ I kuin ken teilä min šanonnou, šanokkua; Herralla heidä pidäy; i terväh hiät työndäy. ⁴ Tämä kaikki oli, ana liey prorokan šanalla, kuin hiän šano: ⁵ Šanokkua Sionan tyttärellä: Ka šiun Kuningaš tulou šiun luo tyyni, istuu oslalla i hänen šällyllä. ⁶ Opaššettavat mändih i luajittih kuin käški heilä Iisus: ⁷ Tuodih oslan i šällyn i pandih hiän piällä omat vuattiet, i istuih hiän piällä. ⁸ Ylen äijä rahvašta leviteldih tiedä myöt’ omat vuattiet, a toizet leikattih puuloista okšazie i pirotettih tiedä myöt’. ⁹ A rahvaš ieldä päin i jälleldä aštujat möistih paissešša: Osanna Davidan Poijalla, hyvin paistu olet tulija Jumalan nimeššä; osanna ylizissä. ¹⁰ I kuin mäni hiän Ijerusalimah, kaikki linna yleni i paistih: Ken on tämä? ¹¹ A rahvaš paistih: Tämä on Iisus Galilejan Nazarietašta prorokka. ¹² I mäni Iisus Jumalan kirikköh i ajo kaikki myöjät i kaupiččijat kiriköššä, i kaupiččijien i gul’uzien myöjien iss undašijat levitti, ¹³ I pagizi heilä: Kirjutettu on: Miun kodi malittukojiksi nimittiäčöy; a työ luadija häneštä razboiniekojen majan. ¹⁴ I tuldih hänen luo kiriköššä rammat i šogiet, i hiät tervehytti. ¹⁵ Nähtyö arhereit i kirjamiehet kummie, kumbazie hiän luadi, i lapšie kiriköššä mögizömäššä i pagizomašša: Osanna Davidan Poijalla; ajattaliečettih hänen piällä ¹⁶ I šanottih hänellä: Kuuletgo, midä nämä paissah? Iisus šano heilä: Niin, ettägo työ konža lugen: Lapšien i imijien šuušta luajit kiitännän? ¹⁷ I hyllättyö hiät, läksi pois’ linnašta Vifanijah, i šielä šeizattih elämäh. ¹⁸ Huomenekšella järelläh läksi linnah, i nälläšty: ¹⁹ I kuin nägi hiän yhen smokouniččapuun tiedä vaš, tuli hänen luo, i nimidä häneššä ei löydän, vain yhet lehet; i šano hänellä: Ana igäh šiušta nikonža ei liene eineštä. I šidä kerdua kuivi smokouniččapuu. ²⁰ I nähtyö, opaššettavat diivuoliečettih: Kuin terväh kuivi smokouniččapuu? ²¹ Vaštah šano heilä Iisus: Amin’ šanon teilä: Kuin on teisä viero i uškonetta, ei mi tämän, mi on smokouniččapuulla, luajitta; da i kuin i goralla tällä šanonetta: Liikaha i luottuače mereh; niin i lienöy; ²² I kaikki, midä pakkuonnetta malitušša, uškuos’s’a, liey teilä. ²³ I kuin mäni hiän kirikköh i rubei opaštamah, lähendiäčettih hänen luo arhereit i rahvahan vanhemmat i šanottih: Midä myöt’ šie tädä luajit? I ken šiula ando muozen vallan? ²⁴ Vaštah šano heilä Iisus: Kyžyn i mie teistä yhtä paginua, kumbazen kuin šanotta, šanon i mie teilä, kuda valdua myöt’ tädä luajin. ²⁵ Iivanan rissitändä mistä oli: taivahaštago, ali inehmizistä? A hyö mieleššä niin piettih: Kuin šanomma: Taivahašta, šanou meilä: Nin mintäh että uškon hänellä? ²⁶ A kuin šanomma: Inehmizistä, varajamma rahvašta, kaikin Iivanua pietäh prorokkana. ²⁷ I vaštah šanottih Šyndyruohtinalla: Emmä tiijä. I hiän šano heilä: Niin i mie en šano teilä, kenen valdua myöt’ tädä luajin. ²⁸ Kuin työ šanotta? Yhellä miehellä oli kakši poigua; i tulduo enžimäzen luo, šano: Poiga, mäne nyt luaji miun savušša. ²⁹ A hiän vaštah šano: En taho; jälgeh tuli hänellä pahamielešti, i läksi. ³⁰ I tulduo toizen luo, niin že šano. Že vaštah šano: Mie, tuatto, lähen; i ei lähten. ³¹ Kumbane molemmista luadi izän mieleh? Hyö šanottih: Enžimäne. Šano heilä Iisus: Amin’ šanon teilä, mitarit i huigeih azeih šegonuot ieldä päin teidä ollah taivaškuningahuošša. ³² Tuli tiän luo rissittäjä Iivana oigieda tiedä myöt’, i työ että uškon hänellä, a mitarit i huigeih azeih šegonuot uššottih hänellä; a työ, nähtyö, että tahton jälgiperillä uškuo hänellä. ³³ Toista arvauttamis’t’a kuulgua. Yksi huolova izändä issutti savun, i lujah hänen aijotti, i kaivo häneh vuuvannan, i šeizatti paččahan, i ando kaikki savunkaččojilla, i pois’ läksi. ³⁴ Konža tuli aiga kerätä einehie, työndi omie inehmizie savunkaččojien luo, ottua hänen einehet. ³⁵ I savunkaččojat, šidohuo hänen inehmizie, kummas’t’a lyödih, kumbazen tapettih, a kummas’t’a kivilöilä tapettih. ³⁶ Vielä hiän työndi toizie inehmizie enämmän enžimäzie; i niillä niin že luajittih. ³⁷ A jälgiperillä hiän luo työndi oman poijan i pidi mieleššä: Huijuštuačetah miun poigua. ³⁸ A savunkaččojat, nähtyö poigua, keškenäh paistih: Tällä jiäy kaikki elo; aštukkua, tapamma hänen i otamma hänen eländehen. ³⁹ I šivuttuo, pois’ savušta otettih hänen i tapettih. ⁴⁰ I konža tulou savun izändä, min luadiu niillä savunkaččojilla? ⁴¹ Hyö šanottih hänellä: Pahat šurmalla hävittäy; i savun andau toizilla kaččojilla, kumbazet i annetah hänellä einehet aijalla. ⁴² Šano heilä Iisus: Ettägo työ konža lugen kirjoisa: Kivi, kummas’t’a pengottih ladjuajat, že tuli šamalon piänökši. Jumalašta tuli tämä, i on kummana tiän šilmissä. ⁴³ Tämän täh šanon teilä: Kiskuočou teildä Jumalan kuningahuš, i anduačou rahvahalla, kumbane niin eläy. ⁴⁴ I ken langieu tämän kiven piällä, murenou; a kenen piällä langieu, že mädženöy. ⁴⁵ I kuulduo arhereit i farise it hänen arvauttamizie, kekšittih, heih näh pagizou, ⁴⁶ I ečittih händä ottua, da varattih rahvašta, rahvaš pidi händä prorokkana.