Тексты

Вернуться к просмотру | Вернуться к списку

Kolmaš piä

История изменений

30 ноября 2021 в 14:50 Нина Шибанова

• изменил(а) заголовок
  с MARKEŠTА SVʼATOI JOVANGELI. Kolmaš piä
  на Kolmaš piä
• создал(а) комментарий источника: MARKEŠTА SVʼATOI JOVANGELI

24 ноября 2021 в 16:24 Нина Шибанова

• создал(а) текст
• создал(а) текст: ¹ I tuli tuaš kanžah, i oli šielä inehmine, kumbazella oli kuivan käzi. ² I vardeidih Hända, niinägo šuovattoina parennuttau händä, kuin Hända viärittiä. ³ I šano inehmizellä, kulla kuivahtan käzi: Šeizattuače keššelä. ⁴ I šano heilä: Šobiugo šuovattoina hyviä luadie ali pahua luadie? Hengi šäilyttiä ali hävittiä? I hyö iänettä oldih. ⁵ I kačahtahuo hiän piällä šiämen kera, tuškeudunut šidä, jotto hiän šiämet kovettih, šano inehmizellä: Oijenna kädeš. I oijendi, i lujeni hänen käzi, kuin toine. ⁶ I lähtehyö, fariseit šiinä že Irodalisson kera keškenäh pandih, kuin Händä hävittiä. ⁷ A Iisus läksi omien opaššettavien kera meren luoh; i äijä rahvašta aštu Galilejašta Hänellä jällesti, i Iudejašta, ⁸ I Ijerusalimašta, i Idumejašta, i šildä puolda Jordanua, i Tiirašta, i Sidonašta, ylen äijän, kuuluštahuo, midä Hiän luadiu, i tuldih Hänen luo. ⁹ I käški omilla opaššettavilla šuaha Hänellä venehen rahvahan täh, kuin Händä ei ličattais’. ¹⁰ Äijie jo Hiän tervehytti, äššen Hänen piällä tuleteldih, kuin vain Händä koššahuttuačie, kellä oldih kibiet. ¹¹ I lemmot, nähtyö Händä, langieldih Hänellä jalgoih, i möistih, paissešša, jotto: Šie olet Jumalan Poiga. ¹² I äijäldi kieldi heidä, kuin Händä tiedävänä ei luajittais’. ¹³ I mäni goralla, i kedä pidi Hänellä, kučču; i tuldih Hänen luo. ¹⁴ I luadi kakšitoistakymmendä, kumbazet oldais’ Hänen kera, i kumbazie työndelis’ Hiän šanelomah, ¹⁵ I voidais’ hyö piäštiä taudiloista i porottua lemboloja. ¹⁶ I ando Simonalla nimen Pedri; ¹⁷ I Zevedein Juakovua, i Juakovan vellie Iivanua: pani heilä nimen Voanarges , mi on ukonjyryn poijat; ¹⁸ I Ondreida, i Hilippiä, i Varfolomeida, i Matveida, i Fomua, i Alfein Juakovua, i Fadeida, i Kananitašta Simonua, ¹⁹ I Iskariuotašta Iudua, kumbane i ando Hänen. ²⁰ I tuldih taloh; i keräydy tuaš rahvašta, äššen ei voinun heilä tarkoin leibiä šyyvä. ²¹ I kuulduo, ket oldih Hänen luona, lähteih Händä ottua, paistih hyö, jotto Hiän houkaštau. ²² I kirjamiehet, kumbazet tuldih Ijerusalimašta, paistih: Häheššä vejel’zevula on, i lemboloin vanhemman tuačči porottau lemboloja. ²³ I kuččuhuo hiät, arvauttamizeh pagizi heilä: Kuin voit sotona sotonua porottua? ²⁴ I kuin mua keškenäh šovinnotta on, ei voi pizyö že mua; ²⁵ I kuin kodi liey keškenäh šovinnotta, ei voi pizyö že kodi; ²⁶ I kuin sotona nouži ičen piällä iče i eroi, ei voi pizyö, a mänöy piäh šua. ²⁷ Eigo voi niken vägövän inehmizen tarbehta, mändyö kodih, viijä, kuin iellä ei šivo vägöviä, i šilloin hänen kojin varraštau. ²⁸ Amin’ šanon teilä: kaikki riähät jättiäčetäh inehmizien poijilla, i koronnat, min hyö korottaneh; ²⁹ A ken korou Pyhähengen piällä, iinigäh ei liene jätändiä šillä, a viärä on iinigäzellä suudulla. ³⁰ Žentäh, mintäh paistih: Pahalane on Häneššä. ³¹ Tuldih Hänen Muamo i vellet, i šeizattuačehuo ulguona, työnnettih Hänen luo kuččumah Händä. ³² I rahvaš issuttih Hänen ymbäri. Šanottih Hänellä: Ka, Šiun Muamo, Šiun vellet i čikot Šiun ulguona Šilma kyžytäh. ³³ I vaštah šano heilä, niin paissešša: Ken Miun Muamo ali Miun vellet? ³⁴ I kačahtahuo Ičen ymbäri istujien piällä, šano: Ka Miun Muamo i Miun vellet; ³⁵ Ken kuin luadiu Jumalan välliä myöt’, že Miun velli, i Miun čikko, i Muamo Miula on.