Тексты
Вернуться к просмотру | Вернуться к списку
Peittopakina kylväjäštä
История изменений
31 мая 2022 в 15:18 Нина Шибанова
- создал(а) текст
- создал(а) перевод текста
- создал(а) текст: 1Iisussa rupesi tuaš opaštamah järven rannalla. Hänen ympärillä keräyty niin äijän rahvašta, jotta Hänen piti aštuo veneheh. Hiän istu järvellä veneheššä, a rahvašjoukko oli rannalla. 2Hiän opašti heilä monenmoisie as's'oja peittopakinoilla.^ Hiän pakasi heilä näin: 3«Kuulkua!^ Mieš läksi kylvämäh. 4Konša hiän kylvi, niin šattu niin, jotta eryähät šiemenet tipahettih tien varteh, ta linnut tultih ta šyötih jyvät. 5Toiset šiemenet kirvottih kiviseh muah, missä oli vain vähän multua.^ Ruttoseh ne nouštih orahalla, šentäh kun šiinä ei ollun pakšuh multua. 6Ka konša päiväni nousi, še puahto orahat ta ne kuivettih, kun niillä ei ollun kunnon juurie. 7Eryähät šiemenistä kirvottih ohtajaisikkoh.^ Ohtajaiset kašvettih ta tupehutettih orahat, eikä ne annettu eluo. 8Ka oša šiemenistä kirposi hyväh muah.^ Ne nouštih orahalla, kašvettih ta annettih eluo, mi kolmekymmentä, mi kuušikymmentä, mi šata jyvyä». 9Šiitä Iisussa šano heilä: «Kellä on korvat, millä kuulla, še kuulkah»!