Тексты

Вернуться к просмотру | Вернуться к списку

Iivana Kaštajan kuoloma

История изменений

01 июня 2022 в 15:46 Нина Шибанова

• создал(а) текст
• создал(а) перевод текста
• создал(а) текст: ¹⁴Čuari Iiroti niise kuuli Iisussašta, Hänen nimi niätšen tunnettih jo joka puolella.^ Iiroti šano: «Iivana Kaštaja on nouššun kuollehista, šentäh Hänellä ollah nämä voimat». ¹⁵Eryähät šanottih: «Hiän on Il'l'a», a toiset: «Hiän on Jumalan viessintuoja, yhenmoini kuin ammuset viessintuojat». ¹⁶Kun Iiroti kuuli šen, hiän šano: «Iivana, še mieš, keltä mie käsin leikata piän, on nouššun kuollehista». ¹⁷Iiroti niät oli käšken ottua Iivanan kiini, panna hänet rautoih ta viijä tyrmäh.^ Tämän Iiroti oli ruatan Hilippä-velleh naisen Irodiadan vuokši, kumpasen oli nainun. ¹⁸No a še Iivana oli šanon Iirotilla: «Šiun ei šua elyä velleš naisen kera». ¹⁹Šentäh Irodiada ei voinun šietyä Iivanua ta ois tahton tappua hänet, ka eipä voinun. ²⁰Iiroti niät varasi Iivanua, šentäh kun tiesi hänet oikiemielisekši ta pyhäkši miehekši. Iiroti šuojeli Iivanua ta mielelläh kuunteli häntä, vaikka hänen pakinat moničči vaivattih Iirotie. ²¹Irodiada piäsi ruatamah, mitä tahto, kun Iiroti omana šyntymäpäivänä luati pruasniekan omilla korkiearvosilla virkamiehillä ta šotapiäliköillä ta Galileijan mahtimiehillä. ²²Irodiadan tytär tuli pruasniekkah ta alko tanššie.^ Še miellytti Iirotie ta hänen vierahie. Čuari šano tytöllä: «Kyšy miulta mitä vain tahot, niin mie annan šen šiula». ²³Hiän pošiutu ta lupasi tytöllä: «Mitä šuinki kyšynet miulta, šen mie šiula annan, vaikka puoli valtakuntua». ²⁴Tyttö läksi šieltä ta kyšy muamoltah: «Mitä miun ois kyšyö»? Muamo šano: «Kyšy Iivana Kaštajan piätä». ²⁵Tyttö kiirehešti mäni jälelläh čuarin luo ta šano: «Mie tahon, jotta šie nyt ta šillä kertua toisit miula luuvvalla Iivana Kaštajan piän». ²⁶Čuari apeutu šiitä, ka kun hiän oli vierahien kuullen pošiutun, hiän ei voinun kieltäytyö omašta šanašta. ²⁷Ta niin čuari šamašša toimitti saltatan ta käški tuuvva Iivanan piän. ²⁸Saltatta mäni tyrmäh ta leikkasi Iivanalta piän.^ Šiitä hiän toi šen luuvvalla tytöllä, a tyttö anto šen muamollah. ²⁹Kun Iivanan opaššettavat kuultih tämä, hyö tultih ta otettih hänen ruumis ta hauvattih še.