Тексты

Iisussa aštuu vettä myöte

01 июня 2022 в 16:25 Нина Шибанова

создал(а) текст: ⁴⁵Ruttoh šen jälkeh Iisussa käški opaššettavien aštuo veneheh ta lähtie iellä Häntä järven poikki Vifsaidah, kuni Hiän toimittau rahvašjoukon pois. ⁴⁶Hiän prostiutu rahvahan kera ta läksi vuaralla moliutumah. ⁴⁷Konša tuli ilta, niin veneh oli keškijärvellä, a Iisussa oli yksin mualla. ⁴⁸Hiän näki, jotta opaššettavilla oli jykie šoutua vaštatuuleh. Yön nellännen vahin paikoilla Hiän tuli vettä myöte aštumalla heitä kohen ta meinasi männä heistä kyličči. ⁴⁹Kun opaššettavat nähtih Hänet vettä myöte aštumašša, hyö smietittih šitä kuutessiutujakši ta karjeuvuttih. ⁵⁰Kaikin hyö nähtih Hänet ta pöläššyttih. No šamašša Iisussa rupesi heitä pakauttamah ta šano heilä: «Olkua rauhašša.^ Mie še täššä olen.^ Elkyä varakkua». ⁵¹Šiitä Hiän aštu heijän luo veneheh ta tuuli vakautu. Opaššettavat oltih oikeista oikein kummissah. ⁵²Šeki, jotta leivät oli lisäyvytty, ei avannun heijän šilmie, šentäh kun heijän šytämet oltih šokiet.

01 июня 2022 в 16:25 Нина Шибанова