Тексты

Вернуться к просмотру | Вернуться к списку

Mi šuau ihmisen pakanakši?

История изменений

02 июня 2022 в 15:03 Нина Шибанова

• создал(а) текст
• создал(а) перевод текста
• создал(а) текст: ¹⁴Iisussa kučču tuaš rahvašjoukon luokšeh ta šano: «Kuunnelkua Milma kaikin ta malttakkua. ¹⁵Ei ihmistä voi šuaha pakanakši mikänä, mi tulou häneh ulkuota päin. Še ihmisen šuau pakanakši, mi lähtöy hänen šiämeštä. ¹⁶Kellä on korvat, millä kuulla, še kuulkah». ¹⁷Konša Iisussa läksi rahvahan luota ta mäni pirttih, opaššettavat kyšyttih Häneltä, mitä Hiän tarkotti näillä šanoilla. ¹⁸Iisussa šano heilä: «Noin tolkuttomieko työki oletta? Ettäkö malta, jottei mikänä, mi ulkuota päin tulou ihmiseh, voi häntä pakanoittua? ¹⁹Eihän še mäne hänen šytämeh, vain mänöy vaččah ta šieltä še uloštuu».^ Näillä šanoilla Iisussa näytti, jotta kaikki ruuvvat ollah puhtahie. ²⁰Ta Hiän jatko: «Še, mi ihmisen šiämeštä lähtöy, še šuau hänet pakanakši. ²¹Šentäh kun juuri ihmisen šiämeštä, hänen šytämeštä, lähetäh pahat ajatukšet, parikuntapettämini ta muu huoruinta, tapannat, ²²varaššannat, ahnehuš, pahuš, valehtelomini, vällällini elämä, kajehuš, Jumalan nakramini, ylpevyš ta mielettömyš. ²³Kaikki tämä paha lähtöy ihmisen šiämeštä ta šuau hänet pakanakši».