Тексты

Вернуться к просмотру | Вернуться к списку

Iisussa parentau kuurnehen

История изменений

02 июня 2022 в 17:24 Нина Шибанова

• создал(а) текст
• создал(а) перевод текста
• создал(а) текст: ³¹Šiitä Iisussa läksi tuaš Tiiran ta Sidonin šeutuloilta.^ Hiän matkasi Dekapolin alovehen kautti ta tuli Galileijanjärven rannalla. ³²Šielä Hänen luo kuletettih kuurnis, kumpani oli melkein mykkä, ta molittih Häntä panomah käteh miehen piällä. ³³Iisussa vei miehen erikseh rahvašjoukošta, pisti šormet hänellä korvih, šylkäsi ta košetti hänen kieltä. ³⁴Šiitä Hiän kačahti ylähyäkši taivahah, henkähti šyväšti ta šano miehellä: «Effata», še merkiččöy «avauvu». ³⁵Šamašša miehen korvat avauvuttih, ta hänen kieli piäsi liikkumah, niin jotta hiän rupesi pakajamah šelväšti. ³⁶Iisussa kielti ihmisie šanomašta täštä kellänä. Ka mitä enämmän Hiän kielti heitä, šitä enämmän hyö paistih. ³⁷Rahvaš äijälti kummekšittih ta šanottih: «Hyvin Hiän on kaikki ruatan.^ Kuurnehet Hiän šai kuulomah ta mykät pakajamah».