Тексты

Вернуться к просмотру | Вернуться к списку

Šuako mieš erota naiseštah?

История изменений

08 июня 2022 в 10:06 Нина Шибанова

• создал(а) текст
• создал(а) перевод текста
• создал(а) текст: ¹Iisussa läksi šieltä ta mäni Juutijah, Jortanojoven tuakši. Hänen luo keräyty tuaš äijän rahvašta, ta niin kuin Hänellä oli tapana, Hiän opašti heitä. ²Iisussan luo tuli farisseita, ta kiušatakšeh Häntä hyö kyšyttih: «Šuauko mieš erota naiseštah»? ³Hiän vaštasi: «Mitä Moissei on šanon šiih nähen»? ⁴Hyö šanottih: «Moissei anto meilä luvan kirjuttua erokirjan ta jättyä naisen». ⁵Iisussa šano heilä: «Tämän käšyn hiän kirjutti teilä šentäh, kun työ oletta niin kovašytämiset. ⁶Kumminki muailman alušša Jumala luati ihmisen miehekši ta naisekši. ⁷Šentäh mieš jättäy tuaton ta muamon ⁸ta yhtyy omah naiseh, ta niin näistä kahešta tulou yksi liha. Hyö ei olla enämpi kakši, hyö ollah yksi. ⁹Ta min Jumala yhisti, šitä ihmini elkäh erottakkah». ¹⁰Šiitä, konša hyö oltih šeinien šiämeššä, opaššettavat uuvveštah kyšyttih Häneltä šitä šamua as's'ua. ¹¹Iisussa šelitti heilä: «Ken eruou omašta naiseštah ta akottuu toisen kera, še makuau vierahan naisen kera. ¹²Ta kun naini eronnou ukoštah ta männöy uuvveštah miehellä, hiänki makuau vierahan miehen kera».