Тексты

Вернуться к просмотру | Вернуться к списку

Enšimmäiset lopun merkit

История изменений

05 июля 2022 в 14:45 Нина Шибанова

• создал(а) текст
• создал(а) перевод текста
• создал(а) текст: ³Kun Iisussa istu yksinäh Voipuuvuaralla jumalankojin vaštapiätä, Petri, Juakko, Iivana ta Ontrei kyšyttih Häneltä: ⁴«Šano meilä, konša tämä kaikki tulou?^ Mi on merkkinä šiitä, jotta jumalankoti hajotetah ta kaikki tämä tapahtuu»? ⁵Iisussa rupesi pakajamah heilä: «Varokkua, jotta kenkänä ei muanittais teitä viäräh. ⁶Monet tullah Miun nimisinä.^ Hyö šanotah: "Mie olen Hristossa", ta ekšytetäh monie. ⁷Kun tiän korvih kantautuu šovan iänie ta työ kuuletta viestijä šovista, elkyä pöläštykkyä.^ Näin pitäy käyvä, ka še vielä ei ole loppu. ⁸Rahvaš noušou rahvašta vaštah ta valtakunta valtakuntua vaštah.^ Joka puolella on muanjärissykšie, ta tulou šuuri nälkä ta mellakkoja. Tämä on vašta šynnytyštuškien alkuo. ⁹Olkua varoillana!^ Tiät viijäh suutuh ta teitä piekšetäh sinagogoissa.^ Miun nimen vuokši työ jouvutta muaherrojen ta čuarien eteh, jotta šanosija heilä Miušta. ¹⁰Kumminki ennein kuin loppu tulou, Hyvä Viesti pitäy šanella kaikilla kanšoilla. ¹¹Ta kun tiät otetah kiini ta viijäh suutuh, elkyä huolehtikkua ieltäpäin šiitä, mitä paissa.^ Elkyä šitä ajatelkua.^ Šanokkua vain ne šanat, mit teilä šilloin annetah.^ Šilloin että pakaja työ, vain Pyhä Henki. ¹²Velli antau oman vellen kuolomah, tuatto lapšen, ta lapšet nouššah omie vanhempieh vaštah ta tapetah hiät. ¹³Kaikin ruvetah vihuamah teitä Miun nimen tähen.^ No še, ken keštäy loppuh šuate, pelaštuu».