Тексты

Вернуться к просмотру | Вернуться к списку

Iivana Kaštaja šyntyy

История изменений

04 августа 2022 в 13:08 Нина Шибанова

• создал(а) текст
• создал(а) перевод текста
• создал(а) текст: ⁵⁷Jelisavetalla tuli lapšenšuanta-aika, ta hiän šai pojan. ⁵⁸Nuapurit ta heimolaiset oltih mielissäh hänen kera, konša kuultih, mittyön šuuren armon Hospoti anto hänellä. ⁵⁹Kahekšantena päivänä hyö tultih luatimah lapšella laitaleikkaušta ta tahottih panna hänellä tuattoh nimi Saharei. ⁶⁰Šiih Jelisaveta šano: «Ei, kun hänen nimekši tulou Iivana». ⁶¹Hyö šanottih hänellä: «Eihän šiun šuvušša ole ketänä šen nimistä». ⁶²Hyö kyšyttih tuatolta käsillä ošuttelomalla, min nimen hiän tahtou antua pojallah. ⁶³Saharei käški tuuvva kirjutušlautasen ta kirjutti šiih: «Hänen nimi on Iivana». Kaikin oltih kummissah. ⁶⁴Šiinä šamašša Saharein kielen šitiet avauvuttih.^ Hiän rupesi pakajamah ta kiittämäh Jumalua. ⁶⁵Kaikki lähellä eläjät vareuvuttih, ta joka paikašša Juutijan vuaroilla paistih šiitä, mitein oli käynyn. ⁶⁶Ket kuultih täštä, pantih kaiken mieleh ta paistih: «Mi täštä lapšešta tullou»? Hyö niätšen maltettih, jotta Hospotin käsi on lapšen piällä.