Тексты

Вернуться к просмотру | Вернуться к списку

Paimenet Iisussua tervehtimäššä

История изменений

04 августа 2022 в 20:37 Нина Шибанова

• создал(а) текст
• создал(а) перевод текста
• создал(а) текст: ⁸ Šillä šeuvulla oli paimenie varteimašša yöllä lampahie. ⁹ Heilä näyttäyty Hospotin anheli, ta Hospotin jumalallini valo ympäröičči hiät.^ Paimenet äijälti pöläššyttih. ¹⁰Anheli šano heilä: «Elkyä varakkua. Mie tulin ilmottamah teilä hyvän viessin, šuuren ilošanoman kaikella rahvahalla.^ ¹¹Tänäpiänä Tuavitan linnašša šynty teilä Pelaštaja, kumpani on Hristossa, Hospoti. ¹²Täštä työ tunnetta Hänet: ripakkoloih kiäritty Lapši makuau šoimešša». ¹³Yhtäkkie anhelin luo jiäviyty šuuri taivahallini šotajoukko, kumpani ylenti Hospotie šanoilla: ¹⁴– Kunnivo Jumalalla taivahissa, a muan piällä olkah rauha ta ihmisillä hyvä tahto! ¹⁵Konša anhelit mäntih heijän luota taivahah, paimenet paistih keškenäh: «Läkkä Viflejemih!^ Šielä myö niämmä šen, mitä on tapahtun, šen, mistä Hospoti meilä ilmotti». ¹⁶Hyö lähettih kiirehešti Viflejemih ta löyvettih šielä Muarie, Joosefi ta Lapši, kumpani makasi šoimešša. ¹⁷Tämän nähtyö paimenet kerrottih, mitä anhelit šanottih heilä Lapšešta. ¹⁸Kaikin, ket kuultih paimenien šanat, kummekšittih. ¹⁹Muarie pani kaikki nämä šanat šiämeh ta moničči ajatteli niitä ičekšeh. ²⁰Paimenet myöššyttih karjan luo, ylennettih ta passipoitettih Jumalua šiitä, mitä hyö šuatih kuulla ta nähä.^ Kaikki kävi juštih niin, mitein heilä oli šanottu.