Тексты

Вернуться к просмотру | Вернуться к списку

Iisussa pienenä

История изменений

04 августа 2022 в 22:07 Нина Шибанова

• создал(а) текст
• создал(а) перевод текста
• создал(а) текст: ⁴¹Joka vuosi Iisussan vanhemmat käytih Äijänpäivän pruasniekalla Jerusalimih. ⁴²Konša Iisussalla oli kakšitoista vuotta, hyö tuaš lähettih Jerusalimih pruasniekalla, niin kuin oli tapana. ⁴³Pruasniekkapäivien loputtuo, vanhemmat lähettih kotih, a Iisussa-poika jäi Jerusalimih. No Joosefi ta Iisussan Muamo ei hokšattu šitä. ⁴⁴Hyö matattih koko päivä šiinä mielin, jotta Iisussa on joukošša. Kun hyö ruvettih eččimäh Häntä heimolaisien ta tuttavien kešeštä, ⁴⁵niin ei löyvetty.^ Šiitä Joosefin ta Muarien piti myöštyö Jerusalimih eččimäh Häntä. ⁴⁶Kolmen päivän piäštä hyö löyvettih Iisussa jumalankojista.^ Hiän istu šielä opaštajien kešeššä, kuunteli heitä ta kyšeli heiltä. ⁴⁷Kaikin, ket kuunneltih Häntä, oltih kummissah, kuin hyvin Hiän kaiken malttau ta kuin tolkukkahašti vaštuau. ⁴⁸Nähtyö Iisussan Hänen vanhemmat ouvokšuttih ta Muamo kyšy Häneltä: «Poikan, mintäh Šie ruavoit meilä tämän? Myö tuattoš kera hätäytymä kokonah ta rupesima eččimäh Šilma». ⁴⁹Iisussa vaštasi heilä: «Mintäh työ Milma ečittä? Ettäkö tiijä, jotta Miun pitäy olla Tuattoni kojissa»? ⁵⁰Ka hyö ei maltettu, mitä Hiän tahto šanuo näillä šanoilla. ⁵¹Iisussa myöšty vanhempieh kera Nasarettih ta totteli heitä kaikešša. Hänen Muamo peitti omah šytämeh kaiken, mitä heilä oli tapahtun. ⁵²Iisussa kašvo ta šai lisyä viisahutta.^ Jumala ta ihmiset tykättih Häntä.