Тексты

Вернуться к просмотру | Вернуться к списку

Iisussa Kapernaumin sinagogašša

История изменений

09 августа 2022 в 14:47 Нина Шибанова

• создал(а) текст
• создал(а) перевод текста
• создал(а) текст: ³¹Iisussa matkeutu Kapernaumin linnah, mi on Galileijašša.^ Hiän opašti šielä rahvašta šuovattana. ³²Ihmiset kummekšittih Hänen opaššušta, šentäh kun Hiän pakasi niin kuin pakajau še, kellä on valta. ³³Sinagogašša oli mieš, kumpasešša oli piessa.^ Še karjeutu kovalla iänellä: ³⁴«Häh!^ Mitä Šiula meistä pitäy, Iisussa Nasarettilaini? Tulitko Šie meitä hävittämäh? Mie tiijän, ken Šie olet, Jumalan Pyhä»! ³⁵No Iisussa komenti piessua šanoilla: «Ole iänettäš!^ Lähe häneštä». Šiitä piessa pačkasi miehen muah rahvašjoukon keškeh ta läksi häneštä, mitänä pahua hänellä ruatamatta. ³⁶Kaikin pöläššyttih ta ihmeteltih keškenäh: «Mitä pakinoja nämä on?^ Hänellä on šemmoni voima ta valta, jotta kun Hiän käšköy piessoja, ne lähetäh ihmisistä». ³⁷Ta niin tieto Iisussašta levisi koko šillä šeuvulla.