Тексты

Вернуться к просмотру | Вернуться к списку

Hyväšiämini samarijalaini

История изменений

24 августа 2022 в 16:58 Нина Шибанова

• создал(а) текст
• создал(а) перевод текста
• создал(а) текст: ²⁵Yksi sakonanopaštaja tahto šuaha Iisussan šanoista kiini ta kyšy Häneltä: «Opaštaja, mitä miun pitäis ruatua, jotta šaisin ilmasenikusen elämän»? ²⁶Iisussa vaštasi hänellä: «Mitä Sakonašša šanotah? Mitä šie iče šieltä luvet»? ²⁷Mieš vaštasi: «Tykkyä Hospotie, omua Jumaluaš koko šytämeštäš, kaikella henkelläš, kaikin voimin ta kaikella mielelläš, ta tykkyä omua lähimmäistäš niin kuin iččieš». ²⁸Iisussa šano hänellä: «Rua niin, šilloin šuat elyä». ²⁹Sakonanopaštaja tahto näyttyä, jotta hiän eläy Sakonan käškyjen mukah, ta kyšy Iisussalta: «A kenpä on miun lähimmäini»? ³⁰Šiih Iisussa vaštasi: «Mieš matkasi Jerusalimista Jerihonih ta joutu rosvojen käsih.^ Ne ryöššettih häneltä vuattiet, lyötih häntä ta mäntih männeššäh, a hänet jätettih puolikuollehena venymäh mualla. ³¹Šitä šamua tietä myöte šattu tulomah pappi.^ Nähtyö piekšetyn hiän šiirty tien toisella puolella ta jatko matkua. ³²Šamoin ruato leeviläini, kumpani niise tuli šiih paikkah.^ Kun hiän näki miehen, hiänki mäni kyličči tien toista puolta. ³³Šiitä tuli eryäš samarijalaini, kumpani niise matkasi šamua tietä.^ Kun hiän tuli šiih paikkah ta näki miehen, hänen tuli suali häntä. ³⁴Hiän mäni miehen luo, kuato viinua ta šiemenvoita hänen huavoih, šito ne ta nošti miehen oman oslah šelkäh.^ Šiitä hiän vei miehen matkuštajataloh ta hoiti häntä. ³⁵Toisena päivänä, konša samarijalaini oli lähöššä, hiän otti kakši dinarie, anto ne matkuštajatalon isännällä ta šano: "Pie huolta täštä mieheštä. A kun šiulta männöy enämmän rahua hänen tähen, mie kyllä annan lisyä, konša tulen jälelläh". ³⁶Ken näistä kolmešta on šiun mieleštä lähimmäini šillä, ken joutu rosvojen käsih»? ³⁷Sakonanopaštaja šano: «Ka še, ken šaleičči häntä». Iisussa šano hänellä: «Mäne ta rua šieki šamoin».