Тексты

Вернуться к просмотру | Вернуться к списку

Ihmisen Pojan päivä

История изменений

29 августа 2022 в 14:27 Нина Шибанова

• создал(а) текст
• создал(а) перевод текста
• создал(а) текст: ²²Iisussa šano opaššettavillah: «Tulou šemmoni aika, konša työ tahtosija nähä vaikka yhen Ihmisen Pojan päivän, ka että niä. ²³Teilä šanotah šilloin: "Hiän on tuola", ta: "Hiän on tiälä", vain elkyä lähtekkyä kunnena, elkyä juoškua jälkeh. ²⁴Niin kuin tulenisku välähtäy ta valottau taivahan laijašta toiseh, šemmoni on Ihmisen Poikaki šinä päivänä, konša tulou jälelläh. ²⁵Kuitenki ennein šitä Hiän joutuu äijälti käršimäh, ta tämä rahvašpolvi kieltäytyy Häneštä. ²⁶Niin kuin oli Noijan päivinä, šamoin käyt niinä päivinä, konša Ihmisen Poika tulou.^ ²⁷Ihmiset šyötih ta juotih, akotuttih ta mäntih miehellä.^ Näin oli šiih päiväh šuate, kuna Noija mäni laivah.^ Šiitä tulvavesi nousi ta hävitti hiät kaikki. ²⁸Šamoten oli Lotin aikana: ihmiset šyötih ta juotih, myötih ta oššettih, kylvettih ta rakennettih. ²⁹Vain šinä päivänä, konša Lot läksi Sodomin linnašta, taivahašta rupesi šatamah tulta ta rikkie, ta še hävitti kaiken. ³⁰Šamoten käyt šinä päivänä, konša Ihmisen Poika tulou. ³¹Ken šiih aikah šattunou olomah talon katolla, a kamppiet oltaneh pirtissä, še elkäh šolahtakkah niitä käymäh. A ken ollou pellolla, še elkäh myöštykkäh jälelläh. ³²Muistakkua Lotin naista! ³³Ken tahtou šäilyttyä oman elämän, še mänettäy šen, a ken mänettäy oman elämän, še šäilyttäy šen. ³⁴Mie šanon teilä: šinä yönä kakši on yheššä šänkyššä – yksi otetah, toini jätetäh. ³⁵Kakši naista on jyvie jauhomašša – yksi otetah, toini jätetäh. ³⁶Kakši mieštä on pellolla – yksi otetah, toini jätetäh». ³⁷Šiitä opaššettavat kyšyttih Häneltä: «Missä näin käypi, Hospoti»? Iisussa vaštasi: «Missä on ruato, šiih korpit keräyvytäh».