Тексты

Вернуться к просмотру | Вернуться к списку

Enšimmäiset lopun merkit

История изменений

30 августа 2022 в 14:49 Нина Шибанова

• создал(а) текст
• создал(а) перевод текста
• создал(а) текст: ⁷Iisussalta kyšyttih: «Opaštaja, konšapa tämä kaikki tulou? Mi on šen merkkinä, jotta še aika on alkamašša»? ⁸Iisussa šano: «Varokkua, jotta teitä ei petetä.^ Monet tullah Miun nimeššä ta šanotah: "Mie olen Hristossa", ta: "Aika jo tuli".^ Työ elkyä lähtekkyä hiän jälkeh. ⁹Ta konša kuuletta šovista ta mellakoista, elkyä pöläštykkyä.^ Näin pitäy enšin käyvä, ka loppu ei tule vielä šilloin». ¹⁰Šiitä Iisussa jatko: «Rahvaš noušou rahvašta vaštah ta valtakunta valtakuntua vaštah. ¹¹Joka puolella on šuurie muanjärissykšie, tulou tappajie tautija ta šuuri nälkä.^ Tapahtuu kauheita, ta taivahalla näkyy šuurie einuššušmerkkijä. ¹²Ka jo ennein tätä teitä otetah kiini, ta teitä ajellah paikašta toiseh.^ Teitä viijäh suutittavakši sinagogoih ta pannah tyrmäh. ^Teitä viijäh čuarien ta muaherrojen eteh Miun nimen takie. ¹³Šilloin työ šuatta šanella Miušta. ¹⁴Pankua mieleh, jotta tiän ei tarviče miettie ieltäpäin, mitein puolistautuo. ¹⁵Mie annan teilä šemmosen viisahuon paissa, jotta yksikänä tiän vaššuštajista ei voi panna vaštah eikä kumota tiän šanoja. ¹⁶Tiän vanhemmat, vellet, heimolaiset ta yštävät annetah tiät valtaherrojen käsih, ta muutomie teistä tapetah. ¹⁷Kaikin ruvetah vihuamah teitä Miun nimen takie. ¹⁸Kumminki yksikänä tukka tiän piäštä ei kavo. ¹⁹Pisykkyä vain lujina, niin voitatta ičellänä elämän».