Тексты

Вернуться к просмотру | Вернуться к списку

Iisussa rissillä

История изменений

31 августа 2022 в 15:42 Нина Шибанова

• создал(а) текст
• создал(а) перевод текста
• создал(а) текст: ³²Iisussan kera yhtä aikua tuotih šurmattavakši vielä kakši muuta mieštä, kakši pahanruatajua. ³³Tultuo paikkah, kumpasen nimi on Piäkoppa, hyö nuaklittih ristih Iisussa ta pahanruatajat, yksi Hänen oikiella, a toini vašemella puolella. ³⁴Iisussa šano: «Tuatto, prosti heitä.^ Hyö ei malteta, mitä ruatah». Saltatat juattih keškenäh Iisussan vuattiet, pantih arvalla, jotta ken mitä šais. ³⁵Rahvaš šeiso ta kaččo. Rahvahan piämiehet niise ivual'tih Iisussua ta šanottih: «Toisie pelašti, pelaštakkah nyt Iččeh, kun Hiän ollou Hristossa, Jumalan valittu». ³⁶Saltatat niise nakrettih Iisussua.^ Hyö tultih Hänen luo, tarittih Hänellä muikieta viinua ³⁷ta šanottih: «Kun Šie ollet jevreijen Čuari, niin pelašša Iččeš». ³⁸Rississä Iisussan piän yläpuolella oli kreikan, latinan ta jevrein kielellä kirjutuš: «Tämä on jevreijen Čuari». ³⁹Yksi rissillä rippujista pahanruatajista kirosi Iisussua: «Kun Šie ollet Hristossa, pelašša Iččeš ta miät». ⁴⁰No toini kielti häntä: «Etkö šie varaja Jumalua?^ Šiehän iče niise olet kuolomah suutittu. ⁴¹Ka meilä še niin ni pitäyki.^ Myö šaima šen, min tienasima.^ A Hiän ei ole ruatan mitänä pahua». ⁴²Šiitä hiän šano Iisussalla: «Hospoti, muissa milma, konša tulet omah Valtakuntah». ⁴³Iisussa vaštasi hänellä: «Šanon šiula toven: šie jo tänäpiänä olet Miun kera ruajušša».