Тексты
Вернуться к просмотру | Вернуться к списку
Iisus ajau brihačus karulazen
История изменений
09 сентября 2022 в 11:20 Нина Шибанова
- создал(а) текст
- создал(а) перевод текста
- создал(а) текст: 37 Konzu hyö tossupiän tuldih mäilpäi alah, Iisussua vastuamas oli suuri rahvasjoukko. 38 Yksi mies kirgui rahvasjoukon keskes: «Opastai, minä pokoroičemmos Sinule: tule kaččomah minun poigua.^ Häi on minun aino lapsi! 39 Paha hengi aijoitellen tembuau händy, vongahtah i kobristelou brihaččuu muga, ga hänel vuahti lähtöy suus. Muga se muokkuau brihaččuu, sit gor՚anke lähtöy hänes. 40 Minä pokoroičimmos Sinun opastujile, ku hyö ajettas se iäre, no hyö ei voidu». 41 Sit Iisus sanoi: «Oi, tädä uskomattomua da pahakse heittynytty rahvaspolvie! Viego hätki minul pidänöy olla teijän keskes da tirpua teidy? Tuo poiguadas tänne». 42 Vie sitgi, konzu brihačču oli astumas Iisusan luo, karu räigäi händy muadu vaste da vedi koukkuh. No Iisus kieldi paganhengie, piästi brihačun da andoi poijan tuatalleh. 43 Kaikin oldih pöllästyksis, ku nähtih Jumalan vägi da suurus.