Тексты
Вернуться к просмотру | Вернуться к списку
Kut meca-ak besedale tuli
История изменений
14 сентября 2022 в 15:14 Нина Шибанова
- создал(а) текст
- создал(а) перевод текста
- создал(а) текст: Ende eli ak. A pert’ oli derenaspei edahan. Kaika kezerdab ehtkoižuu, hänenno akoid derenaspei kožlideke mändas, kezertasei, midä putui pagištasei, pit’kid pajoid pajatadasei. Erasuu ehtou nece ak üsnäze ištub, nikeda besednikoid ei tulend. I hän sanui: - Hot’ tuleiž mitte-ni mezamez’ besedale, ka ved’ ühtelein tari ištta. Vähäižen ištui, kacub, tuli ak kožlinke. Ak tuli, ištuihe loučha. Vot kut kezerta! Kezerz’ teinan, kezerz’ toižen, kezerz’ koumanden. Nece ak kacub akan päle, ka nägeb – nece ak ii ak ole. Mäne teda, ken om. Nacein, sab, nece om meca-ak! Kutak minei nügude häta? Hän ved mindei, sanub, nügude rikob. Läksi irdale dei, pordhil siižui, siižui. Tuli dei sanub: - En tä kenen lapsed pöudon peras värištas diki äjou. Nece ak-se kut skokkahtab, i josta irdale kožlinke. Jokshu dei pöudon perhasei. A nece ak oti, emäg, iknad ristikoiči, blaslovoiči, verjan ristikoiči, blaslovoiči dei soupsi dei ištub. Lämmöin sambuti dei. Nece ak tagast tuli iknalesai i sanub: - Hüvä fatitoi, ika minä sindai openuižin!