Тексты

Midä roih jälgimäzel aijal?

07 октября 2022 в 11:15 Нина Шибанова

создал(а) перевод текста
создал(а) текст: ⁷ Erähät kyzyttih: «Opastai, konzubo tämä kai roiteh? Misbo myö tunnustammo sen aijan tulendan»? ⁸ Iisus sanoi: «Kačokkua, ku teidy ei yöksytettäs.^ Äijät, näit, tullah minun nimel da sanotah: "Minä olen se", da sanotah "Aigu on tulluh".^ Vai älgiä lähtekkiä heile jälles. ⁹ Da ku kuuletto toris da rahvahan nouzendois, älgiä pöllästykkiä.^ Kaikele sille pidäy roijakseh enzimäi, no se ei ole vie agju». ¹⁰ I Häi jatkoi: «Yksi rahvas nouzou toizen rahvahan piäle, mua muan piäle, ¹¹ rodieu suurii muansärizendöi, da äijis kohtis n՚älgiä da rubitaudiloi.^ Pahua kummua roih, i taivahal nägyy suurii primiettöi. ¹² No jo enne kaikkie tädä teidy otetah kiini da polgietah.^ Teidy vietäh sinagougih suudittavakse, teidy salvatah tyrmäh, työ puututto suariloin da muaherroin edeh, i kai tämä minun nimen täh. ¹³ Sit sie työ voitto sanella hyviä viestii minuh näh. ¹⁴ Vai pangua mustoh – teil ei pie ielpäi duumaija, kui puolistua iččie. ¹⁵ Minä annan teile moizet sanat da mielet, ga ni yksi vihaniekku ei voi ni vastustua, ni kiistiä teijänke. ¹⁶ Kai teijän vahnembat, vellet, omat da dovarišat menetetäh teidy, da erähii teis tapetah. ¹⁷ Kaikin vihatah teidy minun nimen täh. ¹⁸ No teijän piäs ei paku ni yksi tukkaine. ¹⁹ Kestäkkiä kai, i sil työ piästättö elämäh oman hengen».

07 октября 2022 в 11:15 Нина Шибанова