Тексты
Вернуться к просмотру | Вернуться к списку
Iisus nouzou kuollielois
История изменений
10 октября 2022 в 16:17 Нина Шибанова
- создал(а) текст
- создал(а) перевод текста
- создал(а) текст: 1 Enzimäzenny päivänny suovatan jälgeh, ylen aijoi huondeksel, naizet otettih hyväle tulijat voidiet, kudamat hyö varustettih, da mendih kalmale. 2 Sie nähtih, kivi oli vieretetty iäre kalmansuus,| 3 da konzu mendih kalman sydämeh, ei löytty Ižändän Iisusan rungua. 4 Hyö ällistyttih tämän täh, i ei ehtitty nimidä, ku heijän ies jo seizottih kaksi miesty läpettäjis sovis. 5 Naizet pöllästyttih da painettih piät.^ No miehet sanottih heile: «Miksebo ečittö eläviä kuolluzien keskes? 6 Händy ei ole tiä, Häi nouzi.^ Mustoitakkua, midä Häi pagizi teile, ku vie oli Galileis. 7 Nenga Häi sanoi: Ristikanzan Poigu annetah riähkähizien käzih da nuaglitah ristah, a kolmandennu päivänny Häi nouzou kuollielois»! 8 Sit hyö mustettih, midä Iisus oli paissuh. 9 Kalmalpäi tulduu naizet saneltih täh niškoi yhteletostu opastujale da kaikile muile. 10 Nämä naizet oldih Magdalan Marija, Johannu da Juakoin muamo Marija, da vie muidugi oli heijänke.^ Hyö saneltih kai apostoloile,| 11 no net duumaittih naizet paistah tyhjiä, da ei uskottu heidy. 12 Pedri lähti juoksujalgua kalmale.^ Häi kumardui kaččomah kalmah, no nägi sie vaiku kiärindypaltinat.^ I häi lähti iäre da ičekseh diivii sidä, midä oli roinnuhes.