Тексты

Kokoi da kurniekku

14 октября 2022 в 13:07 Нина Шибанова

создал(а) текст
создал(а) перевод текста
создал(а) текст: Nügöi pastammo piirailoi koiz, da vaiku kebdiembii pastamizii. A l’eivät ennevahnas pidigi l’eivät kois pastattoa. L’eibeä pastettih kois, kokkoi pastettih, kagraizez jauhos laitah, ül’em pehmie kokoihuttu roihes päčiz. Päčimpohjal pastettih. Päčiz otetah, sit pühkimel katetah, sih pehmetäh, kastetah vie. Sit pühkimel katetah, sid roihes pehmiehüöd net, korvah i aja. Sid vie pastoimmo kurniekkoa muigies tahtahas. Ül’en hüviä kurniekkoa roih, lihas kurniekkoa pastetah dai kalas pastoimmo kurniekkoa. Mittumuabo kalua paniitto? Kalua panemmo, konzu on miittumoa kaloa, mostu i panemmo, konzu on haugii – haugii panemmo, da i matikkoa panemmo. Ahvendu panemmo, särgii, miittumoa kaloa konzu tuottuu on, mostu kaloa panemmogi. Reäpöikurniekkoa voibi loadie, pastoimmo kaikke. Da i lihakurniekkoa pastammo. Lihat sinne palaizil pilkua pidäü? Pienil palaizil pilkommo da sit sinne panemmo kurniekkah da päččih [panemmo]. Midäbo viä muudu paniitto lihankel? A lihankel toiči kartouhkoa panemmo segai, da ül’en hüvä roih kurniekku. A laukkua? Da i laukkoa panemmo. A kaloih vie siemenvoidu panemmo. Nenih lihoih emmo pane siemenvoidu, lihoiz muite [roih] parembi Laukankel. Da sid kartouhkoa panemmo vähäizen sie. Maguužu roihes süvvä.