Тексты
Вернуться к просмотру | Вернуться к списку
L’eibeä pastettih
История изменений
17 октября 2022 в 12:38 Нина Шибанова
- создал(а) текст
- создал(а) перевод текста
- создал(а) текст: Sanel’e, kui l’eibiä pastettih. Nu nügöi l’eibeä valmehekse pastetah, laukaz otammo valmehekse sumkaizeh l’eivät. Tiijähäi vai stolal tuvva da l’eikata da süvvä ül’en hüväd l’eibäized. Meil’ aigoa pastajez ei mene. A enne pastoa pidi, pidi loadie muijotes. Muijoteksen loajit, sit äski sevoittoa [voit] taigin. Illal sevoitat, huondeksel pidäü vastata, sotkie se taigin. Sit, ku sotket huondeksel, päčim paned l’ämmäh. ”Kuni päčči l’ämbieü, sini taigin kävüw”, – muga sanottih meil’e, kuni taigin kävüü, nouzou. Sit päčči l’ämmittüü kačo, sid d’o voalit l’eivät. Peäliči kastaldat, da päččih čökid labd’al. Sie pastuldetah päčimpohjas. Eihäi enne olluh meil’e formii. Päčimpohjal labjal heitetäh da sit sie pastutah. Pühkitül päčimpohjal? Pühkitül päčimpohjal, pühkitül vai. Sid ül’en terväh l’eibü pastuu, dai ül’en hüväd l’eiväd roih. Otammo päčiz, stolal lad’d’oammo da kastaldammo toas peäliči dai pohjas. Toiči vie pohjaz äijäl päčči gu on räkki, ga kovattavad roih. Kastad viel da katat pühkimel, sih pehmеtäh hüö. Ül’en hüväd roih l’eivät. Ennevahnaz oldih perehet suuret ül’en.^ Emändäl pidi käit kuorie, pastoa pidi, süömistü loadie pidi kaikemmostu. Enne el’ettih perehet, vel’l’eksed oldih ühtezgi, kačo, naijjah, perehtü roihez, lastu roih kaikil. Kaksinkümmenin hengin kai oli perehiz üksis. Sid emändäl pidi suuri taigin l’eibeä joga päiveä pastoa.