Тексты
Вернуться к просмотру | Вернуться к списку
L’etut
История изменений
17 октября 2022 в 13:04 Нина Шибанова
- создал(а) текст
- создал(а) перевод текста
- создал(а) текст: Kaikis poaksevimah l’ettuu pidäü keiteltä, se ül’en terväh roihes. Sevoitaldit da kuni čoaju kiehuw, sini i l’ettu voibi keittel’eldeä. Loajildoa on kebjei da i süvvä on hüvät. Niidü voibi loadie, hod’ d’oga ildoa punalda l’ettuu. Sevoitaldiit, keittel’eldiit da i valmis. Kuibo l’ettuw, l’ettuw pastad da sevoitat? L’ettuw sevoitetah hapaimmaidoh da sit peskuu da suoloa paniid da pieksiid, da soudoa vähäizen [panit]. Pieksäldiid dai valmis, pastat, keittel’ed eäres. Riehtil’äl? Riehtil’äl. Da konzu dorogas tuled kustahtopäin, čoajuu keitteä pidäü, da čoajun keitäd da juot. Sit, kuni čoaju kiehuu, sini blinoa keittel’eldät. Ül’en terväh roiheze, matkas tulduu ül’en hüvä vačal roih. L’ettuu luajidgi prostoim päivin, a piiruadu pastat pühimpäivin, vai toiči pastadgi piiruadu? Ga toiči voiz i olla aigoa i pastoa, konzu on aijjalleh sie ga, sid i pasta. Konzu tulow vie gos’t’oa, sit pidäü n’epr’emenna loadie. Nu gos’t’oahäi gos’tittoa pidäü. Sit se n’edälil pidäü loajie. Nügöi piirai, piirai poaksuh pastammo gu on jauhuo da elou kül’l’äl. Onhäi aigoa nügöi toada, eigo pie kunna jügiel’öih roadoloih mennä da loittoizih, ennevahnas kui. Enne, enne eulluh aigoa rahvahal piirai loadimah. Kai pidi jügied roavod roadoa, suured roavod. A nügöi mehanizmu gu kai meil’e roavod roadaw täz. On aigua. On aigoa piirai pastoa.