Тексты

Herneh

08 ноября 2022 в 12:11 Нина Шибанова

создал(а) текст
создал(а) перевод текста
создал(а) текст: Katattih hernehtä jäl’geh Spoasuo, šiine jo valmis’, kuivi,| ruvettih šüömäh i lapšiila andamah. Hernehet d’er’ittih i riputettih šohkiila, poikki šohkin pöäl’l’ä riwvun pannah. A šiidä riihel’l’ä kuivatah, puijah i vissatah, mitatah vakalla. Kuin puidih hern’eht’ä? Hernehta puidih briužoila, briuža puuhun’e, varži puuhun’e, a kiel’i poal’ikkah šivottu nahkazella puwčalla. Kuivatettih riiheššä a puidih guominolla, lat’t’ie šavin’e, šavizella lat’t’iella i puidih. Ollet šivottih kuboh, vejettih kod’ih i l’ehmiil’ä šüötettih. Mid’ä šüömis’t’ä varuššettih hern’ehešt’ä? Šiidä hernehen otetah jauhotetah, piiroada paissetah, olad’joa paissetah. Guwšoa šurvottih ozrašta, guwšah pandih hernehtä, šüödih pühäššä. I n’iin keit’ettih hernehrokkoa. Mejän kül’vettih i gr’ečuo, gr’eču kažvo korgie, hüvä. N’iit’ettih, pandih skirdah, riihel’l’ä otettih ahettih i puidih. Šuurimašta keit’ettih pudruo, a jauhotettih piiraih,| piiroat oldih magiet! Kagroa kiis’el’ih kaššettih, kagrazešta rožmušta keit’ettih kiis’el’ie, šüödih pühävoinkela.