ВепКар :: Тексты

Тексты

Вернуться к просмотру | Вернуться к списку

Punoma nuoroa

История изменений

09 ноября 2022 в 16:40 Нина Шибанова

  • создал(а) текст
  • создал(а) перевод текста
  • создал(а) текст: Šano n’üttenä, mis’t’ä punottih nuorua, kuin punottih? Mužikka koabieda kezröäw tädä, kl’ukkazella.^ A šidä hänen panow keräl’l’ä, ker’iew,| keräl’l’ä ker’iew.^ Kerät šuuret, kolmiin burčoin. Keräštä ker’iew i nuoran osnujot, tämä luow, nuoran luow kolme ton’oa. Kolmiin rihmoin panow üht’eh ton’ah. A šidä toizeh kolme, toizeh panow kolme ton’oa, rihmoa! Kolmandeh ton’ah panow toašena,| a šidä panow täh, šidow šebäviččah. Regeh? Reješšä on loajittu moin’e laudan’e loukonkela, a laudazešša kolme rupčoa. Kolmeh rupčah panow tädä, nämä rihmat, ka n’iin kolmeh rupčah. A ierdä päin, mužikka izändä ka püörittäw! Puuhun’e loajittu, vertulofka.^ Nu püörittäw täl’l’ä, punow. N’okat nuorašša šidow höät.^ Šidow, nuora i l’iew, i kaikki. A mis’t’ä punottih, kuabiešta? Koabiešta, koabiešta punottih i kezrättih,| ol’i i l’iinašta punottih i laškiettih ka nuoroa, ka täh. Ton’a ka, höän n’iin i mänöw mänöw n’äidä laudaz’ie muö, n’okkah šoa, n’okkah šoa i mänöw, i loppiečow. N’iin ühüt’äh? Ühütäh i kaikki! A šiidä püörähüttäw tämän n’okan, uzlalleh šidow,| a jäl’geh otaw höät rozber’iw.^ N’okan zakr’eppiw ombelow n’ieglalla, da, štob ei riiččawduis’. Mih varoin nuorua luajittih? A nuoroa loajittih, halguo vedöä, meččöä. L’ähtöw hebozella, nuoran ottaw ičenkel’e, rejen ladjoaw i l’ähtöw, šidow hänen täl’l’ä nuoralla, i kod’ih tuow halguo. Heinäh l’ähties’s’ä, hebozen val’l’aštah jesl’i, tož tämä nuora. Kolmeh kerdah püörähütäh tädä reještä, nat’an’itah, i l’ähtietäh hebozella toaš kod’ih, heininkel’ä.