Тексты
Вернуться к просмотру | Вернуться к списку
POTKURILOIL ČURUANDU
История изменений
17 января 2023 в 12:20 Нина Шибанова
- создал(а) текст
- создал(а) текст: Meil kyläs vuiškal vie ollah ruokos vahnat potkurit. Čuraimmo niilöil myö – lapset, čurattih meijän muamat da tuatat. Nämmä potkurit azui meijän died’oi. Häi oli hyvä seppy da kirvesmies, pal’l’aine da kirves hänel käis pyzyttih. Mitbo ollah potkurit? Se on regyt, ga ei tavalline, kudamal harjavuimmo čuruamah. Se on äijiä korgiembi da pitkembi. Sit on kaksi pitkiä jallastu, net ollah ravvas luajitut. On istuin yhtele hengele, ravvas da puus azuttu, nägemäl stuulu rouno. Potkuriloil čuratah kahtei libo yksinäh. Yksi čuruaju seizou istuimen tagan, piettelöy sidä käzil. Hänel yksi jalgu on potkuriloin yhtel jallaksel, toizel häi potkuau, työnnyttäy regytty edehpäi. Toine čuruaju istuu istuimes, hänel ei pie nimidä ruadua. Potkata, potkie-sanois tulou potkuriloin nimi. Suomen kieles se on potkukelkka, kohti kiännetynny – potkuregyt. Ven’alazet da Ven’al eläjät sanotah nämmii regyzii suomelazikse regyzikse. Vikse sendäh, ku tuldih net Ven’ale Suomespäi, kus čuratah potkuriloil äijän. Yhtelläh potkuriloin roindumuannu pietäh Ruoččii, kus luajittih niidy vie 1800-luvul jiädy myöte suarelpäi toizele liikundah niškoi. Silloi potkuriloil vedeltih tavarua. Niilöi käytettih kalastajat da t’ulieniloin pyydäjät. Poštankandajatgi vedeltih niilöil poštua.Tänäpäi äijis mualois nämmii regyzii käytetäh talvel kalastajat. Jiädy da lundu myöte potkuriloil on hyvä vediä pyvvyksii, suaduu kalua da kalastajes ei pie seizuo, potkurit ollah hyvänny istuimennu. Pohjasmualois potkuriloil čuruandas voibi sanuo tuli sportu. Suomes enzimäine potkuriloil čuruajien yhtistys perustettih vuvvennu 1890. Luguloin 1800–1900 rajal ruvettih pidämäh potkuriloil čuruajien kilboi da potkuriloil čuruandas Suomes rodih samanarvoine sportulaji hiihtändän da luistelendan rinnal. Potkuriloil on hyvä čurata lagiedu muadu myöte. Pidäy vai olla hyvä keli, syviä lundu myöte net pahoi mennäh. Yhtelläh paras on čurata jiädy myöte. Oppikkua iče, kerran ku etto oppinuh. Hyviä mieldy čurates rodieu kylläl.