Тексты

Вернуться к просмотру | Вернуться к списку

Meren kosijat

История изменений

10 февраля 2023 в 01:06 Nataly Krizhanovsky

• создал(а) текст
• создал(а) перевод текста
• создал(а) текст: Neito šoutau šuojan rannan, tyynen rannan tylkyttelöy, laajen rannan laikuttelou. Neito itkie luiluttelou ⁵ šiinä järven rannalla. [– Kyšyy šiitä še mieš.] Pikku mieš mereštä noušou peikalon pituini, patapuijen pakšuvuini... [– Tuaš kun leivän kera tulou, leipäkihlat kormanošša.] Neito itkie luiluttelou, 10 hiän šanou: ”Mitä itet, neitiparka?” ”Vuotan mieštä mielellistä, šulhaista šulašanaista.” [– No kun en šua käteheni.] ”Tule miula, tyttöparka.” ¹⁵ ”En tule šiula, ei ole šyöty eikä myöty, eikä koistani käšetty.” Kultamieš mereštä noušou kultua šuušša, kultua kiäššä, ²⁰ kultakihlat kormanoissa: ”Mitäpä issut, neitiparka?” ”Vuotan mieštä mielellistä, šulhaista šulašanaista.” ”Tule miula, neitiparka.” ²⁵ ”En tule, ei ole šyöty, eikä myöty eikä taloštani tarittu, eikä koistani käšetty.” Leipämieš mereštä noušou leipyä šuušša, leipyä kiäššä, ³⁰ leipäkihlat kormanoissa: ”Mitä issut, neitiparka?” ”Vuotan mieštä mielellistä, šulhaista šulašanaista.” ”Tule miula, neitiparka.” ³⁵ ”Ei ole šyöty eikä myöty, eikä koistani käšetty.” [– Vot en šiihe piäše tolkkuh, jotta häntä ei otettais enämpi kotih...]