Тексты
Вернуться к просмотру
| Вернуться к списку
Meren kosijat
История изменений
10 февраля 2023 в 01:06
Nataly Krizhanovsky
- создал(а) текст
- создал(а) перевод текста
- создал(а) текст: Neito šoutau šuojan rannan,
tyynen rannan tylkyttelöy,
laajen rannan laikuttelou.
Neito itkie luiluttelou
5 šiinä järven rannalla.
[– Kyšyy šiitä še mieš.]
Pikku mieš mereštä noušou
peikalon pituini,
patapuijen pakšuvuini...
[– Tuaš kun leivän kera tulou, leipäkihlat kormanošša.]
Neito itkie luiluttelou,
10 hiän šanou:
”Mitä itet, neitiparka?”
”Vuotan mieštä mielellistä,
šulhaista šulašanaista.”
[– No kun en šua käteheni.]
”Tule miula, tyttöparka.”
15 ”En tule šiula,
ei ole šyöty eikä myöty,
eikä koistani käšetty.”
Kultamieš mereštä noušou
kultua šuušša, kultua kiäššä,
20 kultakihlat kormanoissa:
”Mitäpä issut, neitiparka?”
”Vuotan mieštä mielellistä,
šulhaista šulašanaista.”
”Tule miula, neitiparka.”
25 ”En tule, ei ole šyöty, eikä myöty
eikä taloštani tarittu,
eikä koistani käšetty.”
Leipämieš mereštä noušou
leipyä šuušša, leipyä kiäššä,
30 leipäkihlat kormanoissa:
”Mitä issut, neitiparka?”
”Vuotan mieštä mielellistä,
šulhaista šulašanaista.”
”Tule miula, neitiparka.”
35 ”Ei ole šyöty eikä myöty,
eikä koistani käšetty.”
[– Vot en šiihe piäše tolkkuh, jotta häntä ei otettais enämpi kotih...]