Тексты

Вернуться к просмотру | Вернуться к списку

Pyhä Hengi tulou Auttajakse

История изменений

26 февраля 2023 в 17:47 Нина Шибанова

• создал(а) текст: ¹⁵ «Ku työ suvainnetto minuu, työ novvatto minun käskylöi. ¹⁶ Minä pokoroičemmos Tuatale, i Häi andau teile toizen Puolistajan, kudai on teijänke ilmazen ijän. ¹⁷ Tämä Auttai on Toven Hengi.^ Muailmu ei voi suaha Hengie, ku muailmu eigo näi, eigo tunne Händy. No työ tunnetto Hänen, ku Häi pyzyy teijän luo da on teis. ¹⁸ En minä jätä teidy orboloikse, a tulen teijän luo. ¹⁹ Vie vähäine aigua, i muailmu minuu enämbi ei näi, a työ näittö, ku minä elän, dai työ rubietto elämäh. ²⁰ Sinä piän työ ellendättö: minä olen Tuatas, työ oletto minus, minä teis. ²¹ Se, ken on ottanuh vastah minun käskyt da noudau niilöi, se suvaiččou minuu. Minun Tuatto suvaiččou sidä, ken suvaiččou minuu, a minä suvaičen händy da ozutan iččie hänele». ²² Juudu, – ei se Iskariot, a toine – sanoi Hänele: «Ižändy, miksebo luajit muga?^ Miksebo iččiedäs ozutat vai meile, a et muailmale»? ²³ Iisus vastai: «Ken ku suvainnou minuu, häi noudau minun sanua. Minun Tuatto suvaiččou händy, i myö tulemmo hänen luo da jiämmö elämäh hänen luo. ²⁴ Se, ken ei suvaiče minuu, ei novva minun sanua – no se sana, kudaman työ kuuletto, ei ole minun oma, a on Tuatan, kudai työndi minuu. ²⁵ Nämii pagizen teijänke, kuni olen vie teijän keskes. ²⁶ Puolistai, Pyhä Hengi, kudaman Tuatto minun nimes työndäy, opastau teile kaiken da mustoittau mieleh kai, midä olen teijänke paissuh. ²⁷ Minä jätän teile rauhan.^ Minä oman rauhan annan teile, en anna mostu rauhua, mittumua muailmu tariččou. Älgiä olgua huolissah, olgua rohkiet. ²⁸ Kuulittohäi, midä sanoin: minä lähten iäre, no tulen järilleh teijän luo. Ku suvaiččizitto minuu, työ olizitto hyväs mieles, ku menen Tuatan luo, Tuatto, näit, on minuu suurembi. ²⁹ Minä sanoin teile täh näh enne sen stuanivundua, anna työ uskozitto, konzu se stuanivuu. ³⁰ Enämbi minä teijänke äijiä en pagize, ku tämän muailman ižändy on jo tulos.^ Nimittumua valdua hänel minuh ei ole,| ³¹ no muailmal pidäy tiediä: minä suvaičen Tuattua i luajin muga, kui Tuatto minule on käskenyh luadie.^ Noskua, läkkiä tiäpäi».

26 февраля 2023 в 17:47 Нина Шибанова

• создал(а) текст
• создал(а) перевод текста