Тексты

Вернуться к просмотру | Вернуться к списку

Kut puzud tehtas

История изменений

18 октября 2016 в 19:24 Nataly Krizhanovsky

• изменил(а) текст
  – Mahtad-ik sinä puzud tehta? – Ka, tohespei tehlin’ puzuižed da kašlid da vuu stupn’ad. – Kut otad tohen? – Mäned da koivuspei viičel röskeidad, punotad ümbri koivus i sarg lähteb. Kaika vet’ ii lähte, kezou lähteškandeb. Kämin käčule da tukhu sidon vicoil’ i kod’he ton. Kodiš sargoit’ tegen da kuvadan kašlin’. – Äjak toht tarbiž kašlihe? – Surhe ka äi, a pen’he ka vähemb. Pen’he paned polhe kahesa sargad da toižhe kahesa, a surhe pad i nel’toštküme. Ezmäi teged ühten polen, sid’ kerdoidad, kahthe kerdha tehtas, ezmäi kuvadad, sid’ kerdoid\'. Tohen čoman polen paned kuvates südäimehepei, a pälpei-se vouged. Möst kerdoid ka vouktou krepišket’he, kaks’ sargad päleti tuleb. Stupn’aha kahesa sargašt’ pad, kandan kätes vuu kaks’ sargad ližadad. – A virzud kut kuvatas? – Virzuid\' en kuvadelend, tatam ka kuvadeli virzuid’, a min’a en mahta. Eduu pidiba virzuid’, a nügüde ii pidagoi.