Тексты
Вернуться к просмотру | Вернуться к списку
Elkyä viekyä vehka-taikinalla
История изменений
22 мая 2023 в 14:39 Нина Шибанова
- создал(а) текст
- создал(а) текст: Ennein vehkua oli šyöty. Še mečäššä kašvau: šammal, poronjäkälä, valkie jäkälä. Šiitä vehka-taikinua on luajittu ta leipyä paissettu. Mamma-vainua mainičči, jotta hänen nuorena ollešša Niskalašša šitä niise oli kerätty ta vehkaleipyä luajittu. Konša tyttyö miehellä annetah, itettäjä vehkua mainiččou: Elkyä viekyä miun kanua, elkyä viekyä petäjän šurvontah, elkyä viekyä vehka-taikinalla. Viekyä vehnä-taikinalla ta rukehisen leivän leipojakši. Tottaš šitä ei hyväkši tiijetty, kun šemmoseh paikkah kiellettih tyttärie antua. Tai koivun parkkie yritettih luatie, ka še on karkie. Vielä karkiempi ei kun männyn parkki. Tottaš šamoin kuivattih ta šurvottih. Olkileipyä niise on šyöty. Šiitä juuripuolešta valkiempua kohtua otettih. Enšin kirvehellä järitettih ta huuhmarešša šurvottih, šiitä šieklalla šieklottih. Olkileipä oli oikein paha. Še vačanki leikkuau, tartteliutuu ta revittäy šuolie, pistelijähän še on.