Тексты

Вернуться к просмотру | Вернуться к списку

Pedri da Iivan N՚evvokunnan ies

История изменений

25 мая 2023 в 16:12 Нина Шибанова

• создал(а) текст
• создал(а) перевод текста
• создал(а) текст: ¹ Konzu Pedri da Iivan paistih rahvahanke, sih tuldih papit, jumalankoin vardoiččijoin piällikkö da saddukeit. ² Hyö oldih suutuksis, ku nämä apostolat opastettih rahvastu da saneltih: kuollieloisnouzendu on sendäh tozi, ku Iisus nouzi kuollielois. ³ Hyö otettih kiini Pedrii da Iivanua da pandih heidy yökse tyrmäh, ku oli jo ildu. ⁴ No äijät niilöis, kudamat kuultih heijän pagin, ruvettih uskomah, i uskovellien lugu kazvoi viideh tuhandeh suate. ⁵ Tossupiänny Jerusalimas kerävyttih yhteh jevreilöin valdumiehet, rahvahan vahnimat da zakonanopastajat, ⁶ ylimäine pappi Annas, Kaifu, Iivan, Aleksandru da kai muut, ket oldih ylimäzen papin roduu. ⁷ Hyö käskiettih tuvva apostoloi heijän edeh i kyzyttih heil: «Mil väil da kenen nimes työ tämän luajiitto»? ⁸ Sit Pedri, täyzi Pyhiä Hengie, sanoi heile: «Rahvahan valdumiehet da vahnimat! ⁹ Gu kerran meidy tänäpäi kyzelläh voimattomale luajitus hyväs ruavos da kyzelläh, mil händy on piästetty, ¹⁰ ga sit tiijäkkiä, työ kaikin dai kogo Izrail՚an rahvas: se oli luajittu Iisusan Hristosan, Nazariettalazen, nimel. Händy työ nuagličitto ristah, no Jumal nostatti Händy kuollielois. Hänen nimen väil tämä mies seizou teijän ies tervehenny. ¹¹ Iisus Hristos on se kivi, kudamua työ, koinluadijat, paheksiitto, no kudai nygöi roih čuppukivekse. ¹² Niken toine ei voi piästiä, ku vai Häi.^ Nimidä muudu nimie, kudai piästäs meidy, ei ole rahvahale annettu tämän taivahan al». ¹³ Konzu valdumiehet da vahnimat nähtih Pedrin da Iivanan julgevus da ellendettih, nämä miehet ollah prostoit da opastumattomat, hyö diivittihes.^ Hyö tunnustettih heis niilöi, kudamat oldih Iisusanke. ¹⁴ No ku hyö nähtih piästetty mies seizomas apostoloin rinnal, hyö ei voidu virkua nimidä vastah. ¹⁵ Hyö käskiettih apostoloile mennä iäres N՚evvokunnan zualaspäi i sit paistih keskenäh: ¹⁶ «Midä meil ruadua nämien miehienke? Heijän kauti toven on roinnuh tunnusruado.^ Se kai jerusalimalazet jo tietäh, i meil ei ole midä sanuo vastah. ¹⁷ No ku pagin täs dielos ei levies ielleh rahvahan keskes, kielläkkiämmö jyrkäh heidy, gu enämbiä ei saneltas nikelle sen miehen nimes». ¹⁸ Hyö kučuttih apostolat da kieltih heidy, ku hyö nimidä enämbiä eigo paistas, eigo opastettas Iisusan nimes. ¹⁹ No Pedri da Iivan vastattih heile: «Ongo oigei Jumalan ies kuunnella teidy enne ku kuunnella Jumalua?^ Duumaikkua vai iče. ²⁰ A myö emmo voi olla pagizemattah sih näh, midä olemmo nähnyh da kuulluh». ²¹ Sit N՚evvokunnan miehet vie enämbäl varaiteltih heidy, no rahvahan täh piästettih välläle.^ Hyö ei voidu nikui nakažie miehii, ku kaikin suuril sanoil ylendettih Jumalua sit, midä oli roinnuh. ²² Sil miehelhäi, kudai oli parandettu tämän tunnusruavon vuoh, oli jo piäle n՚ellänkymmenen vuvven.