Тексты

Вернуться к просмотру | Вернуться к списку

Pedri da Kornelii

История изменений

01 июня 2023 в 11:30 Нина Шибанова

• создал(а) перевод текста
• создал(а) текст: ¹ Kesaries eli Kornelii-nimelline mies, kudai oli suanpiällikönny muga sanotus Italien kogortas. ² Häi oli oigeimieline da Jumalua varuaju mies, kui kai hänen perehgi.^ Häi andoi äijän miilostinua rahvahale da ainos moliihes Jumalale. ³ Kerran ehtypäiväl, nenga yheksän čuasun aigua, hänele oli nägy: häi nägi selgiesti, kui hänen luo tuli Jumalan anheli da sanoi: «Kornelii»! ⁴ Kornelii pöllästyksis kačoi häneh da sanoi: «Midä, Ižändy»? Anheli vastai: «Sinun malitut da miilostinat tuldih Jumalan edeh mustoittamah sinus. ⁵ Työnnä nygöi miehii Joppeh, tuomah Simonua, kudamua sanotah vie Pedrikse. ⁶ Häi pidäy eländysijua Simon-nimellizen nahkoinpieksäjän luo, kudaman taloi seizou meren rannal». ⁷ Konzu anheli tämän sanohuu lähti iäres, Kornelii kučui kahtu ruadoniekkua da oigeimielizen saldatan, yhten hänen käskyläzis. ⁸ Häi sellitti heile kai da työndi heidy Joppeh. ⁹ Tossupiänny, konzu miehet oldih matkas da jo lähettih linnua, nenga puolenpäivän aigah Pedri nouzi levole molimahes. ¹⁰ Hänele rodih n՚älgy, häi tahtoi syvvä, no kuni syömisty valmistettih, häi unohtihes. ¹¹ I nägöy häi taivahan avvoi, i taivahaspäi alah heittyy milienne buitegu suuri hursti, kudamua heitettih muale n՚elläs čupus. ¹² Sit oli kaikenjyttymiä muan n՚ellijalgastu dai vilizijiä i taivahan lindustu. ¹³ I häi kuuli iänen: «Nouze, Pedri, iške da syö»! ¹⁴ No Pedri vastai: «Ei, ei, Ižändy!^ Nikonzu en syönnyh nimidä paganua da eipuhtastu». ¹⁵ Sit iäni toizen kerran sanoi hänele: «Sidä, min puhtasti Jumal, sinä älä sano paganakse». ¹⁶ Nenga oli kolme kerdua.^ Sit hursti kerras nostettih järilleh taivahah. ¹⁷ Kuni Pedri duumaičči, mih menöy nägy, kudai hänele oli, Kornelien työtyt miehet jiävittihes veriän luo.^ Hyö kyzeltih i löyttih Simonan taloi i ¹⁸ kirruttih, pidäygo täs talois eländysijua Simon, toizel nimel Pedri. ¹⁹ Konzu Pedri ainos vie duumaičči sidä, midä nägi, Hengi sanoi hänele: «Kolme miesty ečitäh sinuu. ²⁰ Nouze, heity alah da mene ebäilemättäh heijänke.^ Minä työnnin heidy». ²¹ Pedri meni alah miehien luo da sanoi: «Minä olen se, kudamua työ ečittö.^ Midä työ tulitto»? ²² Miehet vastattih: «Pyhä anheli jiäviihes suanpiälliköle Korneliele, oigiele da Jumalua varuajale miehele, kudamas kai jevreit paistah vai hyviä.^ Anheli käski hänele kuččuo sinuu hänen kodih ku kuulta, midä sinul on sanottavua». ²³ Sit Pedri kučui miehii pertih da gostitti heidy. Tossupiänny Pedri lähti matkah miehienke, da vie erähät Joppes eläjät vellet lähtiettih hänenke. ²⁴ Päivän peräs häi tuli Kesarieh. Kornelii keräi omahizii da lähembii dovariššoi da vuotti tulijoi. ²⁵ Konzu Pedri oli pertih tulemas, Kornelii tuli vastah, langei polvilleh da kumardih hänele muah suate. ²⁶ A Pedri nosti händy da sanoi: «Nouze, minä sežo olen vai ristikanzu». ²⁷ Sit Kornelienke paistes Pedri meni pertih i nägi, sinne oli kerävynnyh äijy rahvastu. ²⁸ Häi sanoi heile: «Työ tiijättö, jevreilöil on kielty kävelemäs vierahih kuulujien rahvahienke da kielty käymäs heijän luo gostih. No Jumal avai minule sen, ku nikedä ei sua pidiä paganannu da eipuhtahannu. ²⁹ Sen periä minä väčkämättäh lähtin, konzu tuldih minuu kuččumah. Nygöi sanokkua: mikse työ kučuitto minuu»? ³⁰ Kornelii vastai: «Kolme päiviä tagaperin juuri täl aigua, yheksändel čuasul, olin tiä kois da moliimmos. Minun edeh jiäviihes mies valgielois läpettäjis sovis, ³¹ i sanoi: "Kornelii, Jumal kuuli sinun malitut da mustau sinun miilostinat. ³² Työnnä sana Joppeh da kuču tänne Simonua, kudamua sanotah vie Pedrikse. Häi pidäy eländysijua nahkoinpieksäjän Simonan talois meren rannal". ³³ Sen periä minä kerras työnnin kuččumah sinuu, i sinä hyvin luajiit, ku tulit. Nygöi täs kaikin olemmo Jumalan ies, ku kuulta sinus kai, midä Ižändy käski sanuo».

01 июня 2023 в 11:30 Нина Шибанова

• создал(а) текст