Тексты

Вернуться к просмотру | Вернуться к списку

Puavil Korinfas

История изменений

15 июня 2023 в 15:50 Нина Шибанова

• создал(а) текст
• создал(а) перевод текста
• создал(а) текст: ¹ Tämän jälgeh Puavil lähti Afiinas da meni Korinfah. ² Sie häi vastavui Akila-nimellizen jevreinke da hänen akan Priskillanke.^ Akila oli roinnuhes Pontas.^ Hyö ei ammui oli tuldu Italiespäi, ku keisari Klavdii käski kaikile jevreilöile lähtie iäre Riimaspäi. Puavil lähti heidy tiijustamah, ³ i ku heil oli yhtenmoine ruado, häi jäi Akilan luo ruadamah – heijän ruavonnu oli stuanuloin ombelendu. ⁴ Joga suovattua Puavil pidi paginua sinagougas da opii suaja jevreilöi da gretsieläzii uskomah. ⁵ Konzu Siilu da Timofei tuldih Makedoniespäi, Puavil andoihes kogonah Jumalan sanan sanelendale da tovendi jevreilöile: Iisus on Messii. ⁶ No gu hyö ruvettih kiistämäh da nagramah, Puavil puisti omat sovat da sanoi heile: «Teijän veri roiteh teijän piäle! Minä en ole sil viäry.^ A nygöi minä lähten Jumalua tundemattomien rahvahien luo». ⁷ Puavil lähti iäre sinagougaspäi da meni jumalanvaruajan Titii Justan luo, kudaman kodi seizoi sinagougan rinnal. ⁸ A sinagougan ižändy Krispu da hänen kai pereh ruvettih uskomah Ižändäh; i äijät muut korinfalazis, kudamat kuunneltih Puavilua, ruvettih uskomah dai heidy ristittih. ⁹ Yhtenny yönny Puavilale oli nägy.^ Ižändy jiäviihes hänele da sanoi: «Älä varua!^ Jatka ielleh sanelendua, älä heitä paginua! ¹⁰ Minä olen sinunke, sendäh niken ei tartu sinuh käzin, ku luadie sinule pahuttu.^ Minul on äijy rahvastu täs linnas». ¹¹ Puavil oli sit linnas puolentostu vuottu, da opasti Jumalan sanua. ¹² Sit, konzu Gallion oli Ahaijan muan ižändänny, jevreit yksin mielin mendih käzin Puavilah, tuodih händy suudoh ¹³ da sanottih: «Tämä mies pagizuttau rahvastu vieruiččemah Jumalua ei Zakonua myöte». ¹⁴ Ei ehtinyh Puavil ni suudu avata, gu Gallion vastai jevreilöile: «Jevreit, ku täs olis mitahto viärys zakonan ies libo viharuado, sit olis kohtalleh kuunnella teidy. ¹⁵ A ku täs on pagin vai sanois, nimilöis da teijän opastandois, työ iče sellitäkkiä net kyzymykset.^ Niilöin sud՚d՚akse minä en rubie». ¹⁶ I Gallion ajoi heidy iäre siepäi. ¹⁷ Sit hyö kaikin tavattih sinagougan ižändiä Sosfenua, lyödih suvvon ies, a Gallion ei ni lekahtannuhes.