Тексты

Вернуться к просмотру | Вернуться к списку

Matku Jerusalimah

История изменений

19 июня 2023 в 15:37 Нина Шибанова

• создал(а) текст
• создал(а) перевод текста
• создал(а) текст: ¹ Jälles tädä myö eroimmo heis, lähtimmö merdy myöte da tulimmo kohti Kos-suareh, a tossupiänny Rodossah, siepäi tulimmo Patarah. ² Pataras myö lövvimmö laivan, kudai oli matkal Finikieh.^ Myö menimmö sih da piäzimmö ielleh. ³ Konzu rubei nägymäh Kipru-suari, se jäi meis hurah puoleh, a myö matkaimmo Siirieh da nouzimmo randah Tiiran linnas; sie, näit, pidi purgua vedämizet laivaspäi rannale. ⁴ Sie myö lövvimmö opastujii i heijänke olimmo seiččie päiviä. Pyhän Hengen käskys hyö sanottih Puavilale, ku häi ei menis Jerusalimah. ⁵ Niilöin päivien mendyy myö lähtimmö ielleh.^ Kai opastujat, heijän mučoit i lapset kaimattih meidy linnan tuakse.^ Rannal kaikin heityimmö polvilleh da moliimmokseh. ⁶ Sit prostiimmokseh heijänke da istuimmokseh laivah, a hyö lähtiettih kodih. ⁷ Tiiraspäi piäzimmö Ptolemaidah, sih loppih merimatku.^ Ptolemaidas kävyimmö tiijustamah uskovellii i olimmo heijänke sen päivän. ⁸ Tossupiänny lähtimmö siepäi da tulimmo Kesarieh i sie menimmö jevangelistan Hilipän luo da azetuimmo hänen kodih.^ Häi oli yksi niilöis seiččemes. ⁹ Hänel oli n՚elli miehelemenemättömiä tytärdy, kudamat oldih Jumalan iänenkandajannu. ¹⁰ Olimmo täs linnas jo erähän päivän, konzu sinne tuli Juudiespäi Agavu-nimelline Jumalan iänenkandai. ¹¹ Häi tuli meijän luo, otti Puavilan vyön, sidoi sil iččeh käit da jallat i sanoi: «Pyhä Hengi sanou: "Juuri nenga jevreit Jerusalimas sivotah se mies, kudaman tämä vyö on, da annetah händy Jumalua tundemattomien rahvahien käzih"». ¹² Tämän kuultuu myö yhtes Kesarien uskojienke rubeimmo kieldämäh Puavilua menemäs Jerusalimah. ¹³ Puavil vastai: «Midä työ ruatto? Midä itkettö da halguatto minun syväindy? Minä olen valmis ei vai sivottavakse, no i kuolemah Jerusalimas Ižändän Iisusan nimen täh». ¹⁴ Ku Puavil ei kuunnelluh meijän sanua, myö heitimmö kielländän da sanoimmo: «Roikkah muga, kui tahtou Taivahalline». ¹⁵ Jälles nämii päivii myö kerävyimmö matkah i lähtimmö Jerusalimah. ¹⁶ Meijänke lähtiettih erähät opastujat Kesariespäi.^ Hyö tuodih meidy kipralazen Mnasonan taloih, kunne myö azetuimmo elämäh.^ Mnason oli yksi ammuzis opastujis.