Тексты

Вернуться к просмотру | Вернуться к списку

Mitä kerähmöššä piätettih?

История изменений

04 июля 2023 в 16:43 Нина Шибанова

• создал(а) текст
• создал(а) перевод текста
• создал(а) текст: ²² Šiitä apostolit ta vanhimmat yheššä koko uškojakunnan kera piätettih valita omašta joukošta muutomie miehie ta työntyä hiät Antiohijah Puavilan ta Varnavan kera. Hyö valittih Juuta, kumpaista kučuttih Varsavakši, ta Sila – molommat uškojakunnan johtomiehie. ²³Heilä annettih matkah tämmöni kirjani: «Myö, apostolit ta vanhimmat, tiän vellet, tervehimmä teitä, toisista vieroista kiäntynehie Antiohijan, Siirijan ta Kilikijan vellijä. ²⁴Myö kuulima, jotta eryähät miän joukošta käytih teilä ta omilla pakinoilla pöläteltih teitä ta ševotettih tiän mielet. Hyö šanottih, jotta tiät pitäy laitaleikata ta tiän pitäy täyttyä Sakonan käškyjä. Myö emmä heitä šinne toimittan. ²⁵ Šentäh myö nyt yksimielisešti valiččima miehie ta työnnämmä hiät tiän luo. Hyö tullah yheššä miän kallehien vellien Varnavan ta Puavilan kera, ²⁶ kumpaset oltih valmehet antamah oma henki miän Hospotin Iisussan Hristossan nimen tähen. ²⁷Niin jotta toimitamma Juutan ta Silan šinne, ta hyö tuuvvah tämä šama viesti teilä vielä šuullisešti. ²⁸Pyhä Henki ta myö kaččoma parahakši, jotta ei pie panna tiän harteilla mitänä kannelmušta.^ Tiän pitäy täyttyä vain nämä käšyt: ²⁹pisykkyä eris šemmosešta lihašta, mi on uhrattu valehjumalilla, šamoten vereštä ta lihašta, kumpasešta vertä ei ole lašettu; elkyä käykyä vierahih naisih elkyäkä ruatakkua toisilla šitä, mitä ičellänä että tahtois. Kun tämmöseštä pisyttä eris, ruatta hyvin. Jiäkyä tervehekši». ³⁰ Šiitä miehet toimitettih matkah.^ Antiohijah tultuo hyö kučuttih uškojat ta annettih kirjani vellilöillä. ³¹Kirjasen luvettuo hyö ihaššuttih, kun šuatih rohkissušta šen šanoista. ³²Juuta ta Sila, kumpaset iče niise oltih Jumalan viessintuojat, paistih äijän, rohkissettih ta lujitettih uškovellijä. ³³ Hyö oltih šielä kotvasen aikua, šiitä vellet piäššettih hiät rauhantoivotukšien kera myöštymäh apostolien luo. ³⁴Kuitenki Sila tahto jiähä Antiohijah, ta niin Juuta myöšty Jerusalimih yksin. ³⁵ A Puavila ta Varnava niise jiätih Antiohijah.^ Yheššä monien muijen kera hyö opaššettih ta šaneltih Hospotin šanua.