Тексты
Вернуться к просмотру | Вернуться к списку
Pärepuikon tulel kaččojat ikkunat
История изменений
05 июля 2023 в 15:49 Нина Шибанова
- создал(а) текст
- создал(а) текст: E nnevahnas päretty kiškottih joga talois: tuohustu oli kallis mennä ostamah, ku hindu niile oli korgei. Vahnat kyläzet kačottih pihailmah pärepuikon tulel. Ei se tuli olluh äijäl valgei da kaunis. Päripuikon tuli oli ihan pimei – suuris pertilöis ei ni nägynyh toizeh čuppuh astuo. Dai perti oli savus, ga tostu ei olluh kylän rahvahal. Papit kirikkölöis poltettih tuohustu vai rahvahan taloit oldih ainos hämäräs. Sil tulel villua kezrättih, silgi kalaverkuo kuvottih. Pärepuikon tulel elettih rahvas sadoi vuozii, tostu tuldu ei ni mieles olluh! Ollus meijänaiguzet lampočkat heil silloi – sitgi elaigu heil ozutannus kui suarnas rouno! Myö nygöi ammui emmo kävele pimielöis pihois taivahallizen kuudaman pastol. Ammui unohtetut ollah palajan niilöil tulil päčit da kuvahazen pastandu ikkunah myöhä ildupäivil. Muutui elaigu ihan toizelleh, kebjeni ihan kebjiekse: eihäi sidä tuta ni duumaija voinnuh vahnu kylärahvas.