Тексты

Вернуться к просмотру | Вернуться к списку

Oli ennen kaksi Kindahan mužikkoo

История изменений

10 июля 2023 в 23:30 Нина Шибанова

• создал(а) текст
• создал(а) перевод текста
• создал(а) текст: Oli ennen kaksi Kindahan mužikkoo. Lähtiettih ongel kezäzel päiväl. Istutah, ongitetah, ongitetah. Heidy rubei juotattamah. Juotattoo. Yksi sanoo: – Juotattoo. Toine sanoo: – Tirpa ielleh, eule vetty. Tooste ongitetah, ongitetah. Jo heil ei voi ongittoo. – Juotattoo, – toine sanoo. – A kuzbo juot, eule vetty. A jo muga heil juotattoo, ga jo viertih lauttazel, jo ei voija, virutah. Jo ei voija, vie yksi virkkoo midä, toine ni virkkoo midä ei voi, muga juotattoo. – A sinä vie, – sanoo, – pagized, ga minä jo ni paista en voi. Muga heil juotattoo. – A nygöi jo, – sanoo, – kaloi eulis žeeli, – sanoo, – ga vai vetty puuttus. Lauttazel virutah, kaksi uroodu. Jo muga heil juotattoo, ga jo ei voija ni meluškoija, tuuli vedi randazel. Vedi tuuli randazel. Tuloo, astuu mužikku heijän tyveh: – Midäbo virutto, – sanoo, – nečiz? – A juotattoo, – sanoo, – emmo voi enämbi ni kunne mennä. – Ka meččeego, urood, ettö juo, ku lauttazel virutto? – A kuzbo juommo? – Ka painood pee, urood, järveh da juogoo, gor’ad, maha täyzi. Alletah hyö juvva, peestih eloh. Täs tämä zookkun.