Тексты

Вернуться к просмотру | Вернуться к списку

Puavilan tulo Jerusalimih ta käynti Juakon luona

История изменений

11 июля 2023 в 13:03 Нина Шибанова

• создал(а) текст
• создал(а) перевод текста
• создал(а) текст: ¹⁵ Niijen päivien jälkeh myö šuorisima matkah ta läksimä Jerusalimih. ¹⁶Miän kera läksi muutomie opaššettavie Kesarijašta.^ Hyö kaimattih miät kipriläisen Mnasonin taloh, missä myö olima kortteerie.^ Mnason oli yksi enšimmäisistä opaššettavista. ¹⁷Jerusalimissa uškovellet vaššattih meitä ilomielin. ¹⁸Toisena päivänä Puavila läksi miän kera Juakon luo.^ Uškojakunnan vanhimmat niise keräyvyttih šinne. ¹⁹Puavila tervehti heitä ta šaneli tarkkaseh kaiken, mitä Jumala šai aikah hänen ruavon kautti toisenvierosien kešeššä. ²⁰Tämän kuultuo vanhimmat kiitettih Jumalua.^ Šiitä hyö šanottih Puavilalla: «Velli, šie tiijät, jotta tuhanšie jevreilöitä on kiäntyn uškoh, ta kaikin hyö vuajitah Sakonan käškyjen täyttämistä. ²¹ Heilä on kerrottu šiušta, jotta šie opaššat jevreilöitä, kumpaset eletäh toisenvierosien kešeššä, kieltäytymäh Moissein Sakonašta. Hyö šanotah, jotta šie kiellät heitä luatimašta lapšilla laitaleikkaušta ta elämäštä miän rahvahan tapojen mukah. ²²Niin jotta mitä nyt pitäis ruatua? Onnakko äijän rahvašta keräytyy yhteh, kun hyö kuullah šiun tulošta. ²³ Šentäh rua nyt miän neuvon mukah.^ Tiälä on nellä mieštä, kumpaset annettih Jumalalla pyhä lupauš. ²⁴Ota hiät kerallaš, puhistauvu yheššä hiän kera ta makša heijän ieštä kulut, jotta hyö voijah leikkauttua tukat. Šilloin kaikin nähäh, jotta pakinat šiušta ollah tyhjät, kun kerran šieki piet kiini Sakonašta ta elät šen mukah. ²⁵No niillä toisenvierosilla, kumpaset kiännyttih uškoh, myö kirjasešša šanoma, mitä piättimä heijän as's'ašta.^ Heijän pitäy täyttyä nämä käšyt: pisyö eris šemmosešta lihašta, mi on uhrattu valehjumalilla, šamoten vereštä ta lihašta, kumpasešta vertä ei ole lašettu, eikä heijän šua käyvä vierahih naisih». ²⁶ Puavila otti ne nellä mieštä ta toisena päivänä puhistautu hiän kera.^ Šiitä hiän mäni jumalankotih ta šano šielä, konša heijän puhissušaika loppuu ta heijän jokahisen puolešta pitäis toimittua uhri Jumalalla.