Тексты

Вернуться к просмотру | Вернуться к списку

Puavila puolistautuu

История изменений

13 июля 2023 в 11:41 Нина Шибанова

• создал(а) текст
• создал(а) текст: ¹⁰ Muaherra Feliks nyökkäsi Puavilalla ta Puavila alko paissa: «Tiijän, jotta šie monie vuosie olet oikein suutin tätä rahvašta, šentäh mie rohkiešti voin puolistua iččieni. ¹¹ Ei enämpyä kun kakšitoista päivyä takaperin mie mänin Jerusalimih moliutumah – šie iče voit šen tarkistua. ¹² Nämä miehet ei nähty milma nikenen kera kiistämäššä eikä noštamašša metelie, ei jumalankojissa, ei sinagogoissa eikä linnašša. ¹³Eikä hyö voija šiun ieššä näyttyä tovekši šitä, mistä hyö nyt milma viäritetäh. ¹⁴ Vain šen šiula šanon, jotta mie aššun Hospotin Tietä, kumpaista hyö šanotah sektakši, ta tällä keinoin sluušin miän tuattojen Jumalalla.^ Mie ušon kaikkeh šiih, mitä on šanottu Sakonašša ta Jumalan viessintuojien kirjoissa. ¹⁵Šamoin kuin nämäki täššä, mie ušon, jotta Jumala noššattau kuollehista jumalahiset ta jumalattomat. ¹⁶Šentäh mie staraičen, jotta miun omahenki ois aina puhaš Jumalan ta ihmisien ieššä. ¹⁷Oltuoni poissa Jerusalimista monie vuosie, mie tulin nyt tuomah omalla rahvahalla rahaapuo ta Jumalalla uhrija. ¹⁸Juštih tätä ruatamašša eryähät Aasijašta tullehet jevreit nähtih miut jumalankojissa.^ Olin puhistautun, šielä ei ollun rahvašta, ei mellakkua. ¹⁹Noijen Aasijašta tullehien ois ičen pitän tulla tänne šiun eteh milma viärittämäh, mikäli heilä on mitänih milma vaštah. ²⁰Tahi anna nämä täššä olijat šanotah, mitä viärinruatuo hyö nähtih miušša, konša šeisoin Neuvokunnan ieššä. ²¹Vain yheštä virkkeheštäkö täššä on kyšymyš?^ Šiitäkö, kun mie heijän ieššä šeisuon karjahin: "Kuollehien noušomisen tähen mie olen tänäpiänä tiän suutittavana"»? ²²Kuultuo tämän Feliks šiirti as's'an šelvittelyn toiččinakši.^ Hiän šano: «Šiitä vašta piätän tiän as's'an, konša komentaja Lisie tulou, ta mie tiijuššan kaiken täštä opaššukšešta». ²³Hiän käški šuanpiälikön pityä Puavilua tyrmäššä, ka antua hänellä helpotukšie.^ Kenkänä ei šuanun eštyä Puavilan tovarissoja pitämäštä häneštä huolta tahi käymäštä hänen luona.

21 июня 2023 в 11:59 Нина Шибанова

• создал(а) перевод текста