Тексты

Вернуться к просмотру | Вернуться к списку

Fest pakajau Agripalla Puavilašta

История изменений

13 июля 2023 в 16:16 Нина Шибанова

• создал(а) текст
• создал(а) перевод текста
• создал(а) текст: ¹³Moniehan päivän piäštä čuari Agrippa ta Verenika tultih Kesarijah toivottamah Festillä tervehyttä. ¹⁴Kun hyö oltih šielä monta päivyä, Fest esitti čuarilla Puavilan as's'an: «Tiälä on mieš, kumpasen Feliks jätti tyrmäh. ¹⁵Konša mie kävin Jerusalimissa, jevreijen piäpapit ta rahvahan vanhimmat tultih šielä miun luo sualiutumah hänen piällä ta vuajittih, jotta hänet suutittais. ¹⁶Mie vaštasin heilä: "Riimalaisilla ei ole tapana antua ketänä tapettavakši, ennein kuin hänet on pantu viärittäjien eteh ta hänellä on annettu valta puolistautuo viärityštä vaštah". ¹⁷ Konša hyö tultih tänne, mie pitvittelömättä, jo toisena päivänä issuin suutupaikalla ta käsin tuuvva šen miehen miun eteh. ¹⁸ Viärittäjät šeisottih hänen ympärillä, vain ei viäritetty häntä mistänä šemmosešta, mitä mie arvelin. ¹⁹ Heilä oli kiista hänen kera heijän vierošta ta keštä lienöy Iisussavainuašta, kumpasen Puavila väitti vielä olovan elošša. ²⁰Mie en tietän, mitein piäššä perillä näistä as's'oista, šentäh kyšyin, tahtoisko hiän lähtie Jerusalimih, jotta hänen as's'a kačottais šielä. ²¹ Tämä Puavila kuitenki vuati piäššä keisarin suutun tutkittavakši ta kyšy šuojeluo šiih šuate, kuni piäšöy šinne.^ Ta niin mie käsin pityä häntä tyrmäššä šini, kuni en työnnä häntä keisarin eteh». ²² Agrippa šano Festillä: «Miunki himottais kuunnella šitä mieštä». Fest šano: «Huomena šuat kuulla häntä».