Тексты

Вернуться к просмотру | Вернуться к списку

Puavila Maltan šuarella

История изменений

14 июля 2023 в 14:57 Нина Шибанова

• создал(а) текст
• создал(а) текст: ¹ Piäsimä turvah ta Puavilan kera olijat šuatih tietyä, jotta še šuari oli Malta. ²Šuaren eläjät otettih meitä hyvistähyvin vaštah.^ Hyö luajittih tulet ta kučuttih miät šen ympärillä lämmitteliytymäh, šentäh kun alko vihmuo ta šiä oli vilu. ³ Puavila keräsi yšällisen rišuja ta lykkäsi ne tuleh, ka kuumuš ajo šieltä myrkkykiärmehen ta še tarttu Puavilan käteh. ⁴Kun šuaren eläjät nähtih hänen kiäššä rippuja kiärmis, hyö paistih keškenäh: «Tuo mieš varmašti on tappan ihmisen.^ Mereštä hiän pelaštu, ka oikeuven jumala ei anna hänen elyä». ⁵Puavila puissalti kiärmehen tuleh, eikä hänellä tullun mitänä vahinkuo. ⁶ Rahvaš vuotti, jotta hänen käsi puhaltuu, tahi hiän kuatuu kuollehena muah. Kun hyö pitälti vuotettih ta nähtih, jotta Puavilalla ei tullun mitänä, hyö muutettih mieleh ta šanottih: «Hiän on jumala». ⁷ Lähellä šitä paikkua oli muatiloja, kumpaset omisti Publie, šuaren vanhin. Hiän kučču meitä luokšeh, piti hyvin ta kostitti kolme päivyä. ⁸Publien tuatto oli šijašša, hänellä oli kuumetta ta paha vaččatauti. Puavila mäni hänen luokši, moliutu, pani kiät hänen piällä ta parenti hänet. ⁹Tämän jälkeh Puavilan luo tultih šuaren muutki läsijät, ta hyö niise parettih. ¹⁰Rahvaš kunnivoitti meitä kaikella keinoin, a konša olima lähöššä ielläh, šuaren eläjät annettih meilä matkah kaikkie, mitä tarviččima.

22 июня 2023 в 09:59 Нина Шибанова

• создал(а) перевод текста