Тексты

Tapahuš mečäššä

25 декабря 2023 в 11:57 Ирина Новак

08 августа 2023 в 09:28 Ирина Новак

создал(а) текст
создал(а) текст: No, olin mie kerran, yhen kerran marjašša. No, matkuan meččiä myöte, kaččelen, missä marjua olis’ parembi kerätä. Kačon, semmoine šuuri, kuin šanuo, muraveinikka. No sinä kačon semmoista puolan, puolan semmoizie ni kuin ruškieta marja¦paikkoja. No d’o mietin, d’otta hyvin sinä marjua on da tulen rupien keryämää. No kačon, siihi silmät, matkuan da kačon sihi paikaa. Sieldä takuata kun noužou kondie šuuri seizuol’l’aa. Semmoine oli šuuri kondie. No mie en lähten juokšomaa, en¦gä koven pöläštynyn. Kačon hänee, hän miuhu. Mie šanon: ”No mitä sie kačot? Mäne poikeš. Mie tulin sihi paikkaa. Siula täššä ei ole työtä.” No hän pyörähti da läksi hil’l’akkazee, ei lujaa d’uokšomaa. Sitä dumaičen: ”Ana, ana mie vihellän. Hän naverno piettyy, rubieu kaččomaa miuhu.” Nu otin, vihellin, niin. No en lujaa, niin hil’l’akkaa. Hän pietty, sitä pyörähti tuaš miuhu kaččomaa. Mieko viheldin vain ken toine. No. I sitä kaččou. A miula oli piššuali olkupiällä, no mie mietin, d’otta en rupie ambumaa. Ei šua, d’otta vain sitä avuan vain ičellä dai možot i kondiella. En šua da hän i piällä hyppiäy. No sitä šanon, d’otta: ”Mäne! Emmä rupie myö siun kera mitäki toruamah.” Hän sitä läksi iellää, omie töitä. Semmoine oli miula mečäššä tapahuš.